Loma 4:18 - Tokelauan New Testament

¹⁸ Ko Apelaamo nae talitonu ma nae i ei tona fakamoemoe, e ui lava nae hē faigōfie mo ia, ma na kavea ai ia, “ko te tamana o mālō e lahi.” E vē oi lea mai te tuhituhiga paia, “Ka tokalahi nā lāpuna o koe e vē ko te lahi o nā fetu.”

Loma 4:18 Referans Kwoze

Loma 8:24

Auā ko te fakamoemoe te na fakaola ai ki tātou; kae kāfai e kitea e ki tātou te mea e fakamoemoe ki tātou ki ei, ko tona uiga e hē ko he fakamoemoe te mea tēnā. Auā ko ai he tino e fakamoemoe ki he mea e ia kitea?

Loma 5:5

Ko te fakamoemoe tēnei e hē fakanoanoa ai ki tātou, auā kua liligi mai e te Atua tona alofa ki o tātou loto e ala i te Agaga Paia, te meaalofa a te Atua ki a te ki tātou.

Gāluega 27:25

Ko koutou la taulelea, loto tetele! Auā ko au e talitonu ki te Atua, ma ka taunuku lava nā mea e vē ona fakailoa mai e ia ki a te au.

Loma 4:17

e vē oi tūhia i te tuhituhiga paia, “Kua kō faia koe ma tamana o mālō e lahi.” Ko te folafolaga la e lelei i te kikila a te Atua, te Atua nae talitonu ki ei ia Apelaamo — te Atua e ia toe fakatutūa nā tino kua oti, ma ko tana fakatonuga e maua ai te ola e nā mea nae hēki i ei muamua.

Luka 1:18

Kua lea vē atu ia Hakalia ki te agelu, “E vēhea ona kō iloa ko te mea tēnei e taunuku? Ko au kua toeaina, ko taku āvaga foki kua lomatua.”

Loma 4:19

Ko Apelaamo i te taimi tēnā, kua tāli kātoa tona helau tauhaga kae ko tona fakatuatua e hēki fakaitiitia lele kāfai e māfaufau ki tona tino kua hē mafaia he mea, pe ko te tūlaga i te hē fai tama o Hala.

Epelu 6:19

Ko te fakamoemoe tēnei kua ia te ki tātou, e vē ko he taula mo o tātou ōlaga, e mautinoa e haogalēmū ai ki tātou; ma ko te fakamoemoe tēnei ko Iehu, ko tē kua fano kui atu i te kie pupuni i te Mālumalu i te lagi, ki loto o te Nofoaga e Hili te Paia