Loma 16:5 - Tokelauan New Testament

⁵ E fakafeiloaki atu ki nā tino i nā Ekalehia e fai a lātou māfutaga lotu i o lātou fale. E fakafeiloaki atu foki ki taku uō pele ko Epaineto, ko ia te tino i te kogāfenua o Ahia, na muamua liliu ki a Keliho.

Loma 16:5 Referans Kwoze

Kolohe 4:15

Fakapa atu o mātou alofaaga ki te kau uho i Laotikeia vēnā foki mo Nufana ma te Ekalehia e fai a lātou tāpuakiga i tona fale.

Filemoni 1:2

ma te Ekalehia e fai tāpuakiga i tō fale; ma te tuafafine ki a Afia, ma ki a Alihipo to mātou hoātau e vē he fitafita:

1 Kolinito 16:19

E momoli atu nā fakamanuiaga mai nā Ekalehia i te itūmālō o Ahia mo koutou; ko Akula ma Pihila ma te Ekalehia e fai a lātou māfutaga i to lā fale, e momoli atu a lātou fakamanuiaga lahi i te igoa o te Aliki.

1 Kolinito 16:15

E iloa e koutou ia Hetefana ma tona kāiga; ko ki lātou nā tino muamua na liliu ma Kelihiano i Akaia, ma kua ofo atu ki lātou ke tautua ki tagata o te Atua. Ko au e fakamālohi atu ki a te koutou te kau uho,

Mataio 18:20

Auā, ho he mea lava e fakatahi ai he toka lua pe he toka tolu i toku igoa, e i ei foki au ma ki lātou.”

Fakaaliga 14:4

Ko nā tino iēnei e hēki ki lātou faia lele ni mea ke hē mamā ai ki lātou, e vē ko te momoe ma ni fafine; ni taupou uma ki lātou. Nae mulimuli ki lātou ki te Punuamāmoe i ho he mea e fano ki ei. Kua fakahao ki lātou kae ke ofo atu o lātou tagata mo te Atua ma te Punuamāmoe, e vē ko te vāega muamua o te helehelega e ofo atu mo te Atua.

3 Ioane 1:1

Mai te Toeaina — Ki a Kaio te uō pele, e alofa lahi au ki ei.

Iakopo 1:18

Ko tona finagalo lava te na maua ai e ki tātou te ola e ala i te kupu moni, kae ke fakatūlaga muamua ai ki tātou i lo nā meaola uma na ia gaohia.

2 Kolinito 9:2

E iloa e au ko koutou e fiafia lele oi fehoahoani, ma ko he mea tēnei nae faitala fāfia ai au ki nā tino i Maketonia. Na lea au ki ei, ko koutou iēnā i Akaia kua kātoa te tauhaga talu te hāuniuni ke fehoahoani ake ki a te ki lātou; ma ko te koutou naunau kua lagona ai foki e te tokalahi o ki lātou, te fia fehoahoani.

2 Kolinito 1:1

Mai ia Paulo, he apohitolo a Keliho Iehu e tuha ai ma te finagalo o te Atua, ma te koutou uho ko Timoteo — Ki te Ekalehia a te Atua i Kolinito, ma nā tino o te Atua i te itūmālō kātoa o Akaia:

Loma 16:12

E fakafeiloaki atu kinā mātua ki a Tufaina ma Tufohana, e gālulue i te gāluega a te Aliki, vēnā te mātua ma te uō pele ko Peloita, kua lahi ana gāluega e fai mo te Aliki.

Loma 16:8

E fakafeiloaki atu ki a Amepiliato, he uō pele i te gāluega a te Aliki.

Loma 15:26

Auā kua tonu i nā Ekalehia i Maketonia ma Akaia ke kave ha lātou tāulaga ke fehoahoani ki nā tino mātitiva o te Atua i Ieluhalema.

Loma 11:16

Kāfai te vāega o te paluga falaoa muamua e ofo atu mo te Atua, ko tona uiga ko te falaoa kātoa e a ia foki; ma kāfai nā aka o he lākau e ofo atu mo te Atua, ko nā lālā uma e a ia foki.

Gāluega 18:27

Na fai te tonu a Apolo ko ia ka fano ki Akaia, oi kave ai te tuhi a te kau Kelihiano i Efeho ki te kau Kelihiano i Akaia, ke ki lātou talia i Apolo kāfai e pa ake. I te taunukuga o Apolo ki Akaia, na fai ia ma fehoahoani lahi ki a te ki lātou kua talitonu, e ala i te alofa tūnoa o te Atua.

Gāluega 18:12

I te kaveaga o Kaliono ma kōvana o Akaia, oi kau fakatahi ai ia tagata Iutaia ma puke e ki lātou ia Paulo, ma kave ki te fakamahinoga.

Gāluega 2:9

Ko ki tātou ni tino e ōmamai mai Pahoi, Mētoi ma Elamitai; mai Mehopotamia, Iutea ma Kapatokia; mai Ponitoho ma Ahia,

Gāluega 16:6

Na malaga kui loto atu ki lātou i nā kogāfenua o Fulugia ma Kalatia, ona na fakaali ki ei e te Agaga Paia ke nahe talakiagia te fekau i te itūmālō o Ahia.

Loma 16:4

ko ki lāua iēnei, na lamatia lele o lā ola ona ko au. Ko au la e fakafetai lahi lele ki ei — e hē nā ko au oioti, kae vēnā foki nā Ekalehia uma a tagata nukukehe.

Loma 16:6

E fakafeiloaki atu au ki a Malia, tē e galue mālohi mo koutou.