Loma 16:2 - Tokelauan New Testament

² Talia ko e koutou i te igoa o te Aliki, e vē ona tatau ke fai e tagata o te Atua, ma fehoahoani ki ei i ho he mea e fofou ki ei; auā e tokalahi na kavea ia ma o lātou fehoahoani, e vēnā foki ona fehoahoani mai ia ki a te au.

Loma 16:2 Referans Kwoze

Filipi 2:29

Ko te mea la ia, ke talia mai e koutou ma te fiafia te uho tēnei i te Aliki. Fakaaloalo ki nā tino e vē ko ia tēnei,

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

2 Ioane 1:10

Ko te mea ia, kāfai ni tino e oatu ki a te koutou kae hē ia te ki lātou te akoakoga tēnei, nahe koutou taliagia ki loto o outou fale; nahe koutou lea foki vē, “Ke ia te koutou te fīlēmū.”

Filemoni 1:17

Ko te mea ia, kāfai kua talia e koe ko au he hoā kaukauna ki a te koe, ke talia foki la e koe ma te fiafia ia Onehimahi, e vē lava ona kē talia au.

Filemoni 1:12

Ka kō uga atua ki a te koe, ma ko he mea tēnei e fakanoanoa ai foki toku loto.

Tito 2:3

Ke vēnā foki oi fakatonu e koe ia fafine mātutua ke vē a lātou āmio ko nā āmio a ni fafine kua ola i he ōlaga kua fakapaiagia. Nahe faitala tau fakakino pe fai ma pologa a te uaina. E tatau ke akoako e ki lātou nā mea e lelei,

2 Timoteo 1:18

Ke ia te ia te alofa fakahao o te Aliki kāfai e pa ki te Aho Fakamahino! Ma e iloa lelei lava e koe te lahi o nā mea na fehoahoani mai ai ia ki a te au i Efeho.

1 Timoteo 2:10

kae teteu ia lātou gāluega lelei e vē oi tatau ke fai e fafine, kua ia te ki lātou te fakatuatua faka-Kelihiano.

Kolohe 4:10

E alofa atu ia Alihitako, tēnei e falepuipui fakatahi ki māua, vēnā foki ia Maleko te fetautāina o Panapa. (Kua uma te koutou maua o te fakatonuga ke koutou taliagia fiafia ia Maleko kāfai e kui vēnā atu.)

Efeho 5:3

Ko koutou ni tagata e o te Atua, e hē tatau lele la ke tākua i autou talatalanoaga nā uiga tuinanau ki te tino, pe ko nā uiga mātagā, pe ko te manako lahi.

Loma 16:23

E momoli atu ia alofaaga o Kaio, e o ia te fale e nofo ai au ma fai ai nā lotu; e vēnā foki ia alofaaga o Elahito, te teutupe o te kakai, ma te tātou uho ki a Kuata.

Loma 16:9

E fakafeiloaki atu foki ki a Oupana, te uho a kaukauna i te gāluega a Keliho, ma Hitahu taku uō pele.

Loma 16:6

E fakafeiloaki atu au ki a Malia, tē e galue mālohi mo koutou.

Loma 15:7

Talia la e tētahi tētahi, ke maua ai he vīkiga mo te Atua, e vē ona talia koutou e Keliho.

Gāluega 9:41

Kua papae atu ia Petelu oi fehoahoani ki ei ke tū ki luga. Oi kalaga ai ki nā tino kua talitonu ki a Iehu fakatahi ma fafine kua feoti a lātou tāne, ma ia tuku atua ai ki a te ki lātou te fafine kua toe ola mai.

Gāluega 9:39

Na hāuni ai loa ia Petelu ma na olo ai ma ki lāua. Na pa atu lava ia Petelu oi kave ai e ki lātou ki te potu i te falealuga. I kinā na hiko fakatāmilo ai ia e fafine uma kua feoti a lātou tāne; e faitatagi lava ma fakahino ki ei nā kofutino ma nā kofutatao na hui e Toka ka koi ola ai.

Gāluega 9:36

I Iopa, nae i ei he fafine kua talitonu ki te Aliki e igoa ki a Tapita. (Ko Toka i te gagana Eleni, ma ko tona uiga “he aila”.) Nae fakafano tona taimi uma i te faiga o nā gāluega lelei ma fehoahoani ki tagata mātitiva.

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Gāluega 9:13

Kua tali atu ia Anania, “Te Aliki, e tokalahi nā tino kua lea mai ki a te au e uiga ki te tagata tēnei ma ana fakahāuāga ki ō tagata i Ieluhalema.

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Loma 16:15

E fakafeiloaki atu ki a Filologo ma Iulia, ki a Nelia ma tona tuafafine, ki a Olumupa ma nā tino uma o te Atua e fakatahi ma ki lātou.