Loma 14:10 - Tokelauan New Testament

¹⁰ Ko koutou la iēnā e kakai oioti ki nā fuālakau fatoaga — he ā te fakamahino atu ai koutou ki iētahi tino Kelihiano? Ma ko koutou iēnā e kakai ki ho he mea — he ā te faitio tauanoa ai koutou ki iētahi uho Kelihiano? Ko ki tātou uma lele ka tutū i mua o te Atua ke fakamahino e ia.

Loma 14:10 Referans Kwoze

2 Kolinito 5:10

Auā ko ki mātou uma e tatau ke tutū i mua o Keliho, ke fakamahino e ia. Ka maua e te tino tona lava taui, fua ki ana gāluega nae fai, pe nae lelei, pe nae kino, ka koi ola ia i tona tino fakatetagata.

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

Loma 2:16

Ma ko te mea ia, e tuha ai ma te Tala Lelei e kō tālakia, ka vēnā foki lava te mea e pa ki ei i te Aho e fakamahino ai e te Atua e ala ia Iehu Keliho, ia manatunatuga lilo o tagata uma lele.

Ioane 5:22

E hē fakamahinoagia foki e toku Tamana he tino. Kua fōki e ia ki tona Ataliki te pule kātoa ke fakamahino ai,

Gāluega 10:42

Ma na fakatonu mai ki mātou e Iehu ke tālaki te Tala Lelei ki tagata, ma ke molimau ko ia te kua tōfia e te Atua ke fai ma fakamahino o nā tino koi ola, vēnā ma ki lātou kua feoti.

Gāluega 4:11

Ko Iehu te na lea mai ai te tuhituhiga paia vē, ‘Ko te fatu na tīaki e koutou nā tufuga faufale, na iku ake kua kavea ma fatu e pito hili te tāua.’

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”

Luka 23:11

Ko Helota ma ana fitafita nae fakatauemu ma fai kupu kino ki a Iehu; oi na fakakofu ai e ki lātou ia Iehu i he kofu tatao manaia, kae toe uga ki a Pilato.

Mataio 7:1

“Nahe koutou fakamahino atu ki iētahi tino kae ke hē fakamahinoa ai koutou e te Atua,

Luka 18:9

Na fai foki e Iehu te talafakatuha tēnei ki ni tino nae talitonu ko ki lātou ni tino āmiotonu, ma nae inoino lele ki iētahi tino.