Loma 13:1 - Tokelauan New Testament

¹ Ke uhitaki ia tagata uma tau tokatahi ki nā tūlāfono fakatemālō, auā e hē mafai ke i ei he mālō kāfai e hē finagalo ki ei te Atua, ma ko nā mālō e tutū nei, na tuku ki ei e te Atua.

Loma 13:1 Referans Kwoze

Tito 3:1

Fakamanatu ki nā tino ke talia e ki lātou te pule a aliki ma nā taupulega, ke uhitaki ki ei ma ke nonofo hāuni ke fai ho he gāluega lelei.

Ioane 19:11

Kua tali mai ia Iehu, “Anei e hēki fōki atua e te Atua te pule ki a te koe, e hēai lele hau mea e fokotahi e mafai ke fai mai ki a te au. Ko te tino la na ia tukulima atua au ki a te koe, e hilihili atu te mamafa o tana agahala.”

Iuta 1:8

E vēnā foki lava nā tino iēnei. Nae ki lātou kitea ni fakaaliga e ala i ni miti ma kua agahala ai ki lātou i o lātou tuinanauga ki te tino; nae teteke ki te pule a te Atua ma fāifāi ki nā agelu mamalu.

Efeho 5:21

Ke tuku atu kātoatoa tētahi ki te pule a tētahi ona ko te koutou fakaaloalo lahi ki a Keliho.

Fakaaliga 19:16

E tūhia i luga o te vāega o tona kofu tatao i luga o tona ālaga te igoa iēnei, “Ko te Tupu o tupu ma te Aliki o aliki.”

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 17:14

Ka tau ki lātou ma te Punuamāmoe; kae ka fakatōkilalogia ki lātou e te Punuamāmoe, auā ko ia ko te Aliki o aliki uma ma te Tupu o tupu uma, ma ko nā tino e kau fakatahi ma ia, ni tino na kalagagia ma filifilia e Atua, ma e tūmau to lātou fakamāoni ki a te ia.”

Mataio 6:13

Ma nahe takitakia ki mātou ki nā fakaohoohoga, kae laveaki ki mātou mai te kino.’

Gāluega 2:41

E tokalahi na talitonu ki tana fekau ma na papatihogia, ma na maua te tai toluafe o ki lātou na fakaopoopo ki te vāega kua talitonu, i te aho tēnā.

Loma 12:21

Nahe fakatōkilalogia lele koutou e te kino, kae fakatōkilalo te kino e te lelei.

Loma 13:2

Ko ai lava e teteke ki he mālō e tū nei, kua teteke ia ki te mea na fakatonu e te Atua; ma ko ai lava e ia faia te mea tēnei, ka kavea ia ki mua o te fakamahinoga.

1 Timoteo 2:2

mo tupu ma ki lātou uma e i ei te pule, kae ke mafai ai ki tātou ke ola i he ōlaga e toka fīlēmū, ma ifo atu ki te Atua ma te agaga fakaaloalo.