Loma 11:25 - Tokelauan New Testament

²⁵ Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

Loma 11:25 Referans Kwoze

Luka 21:24

Ko iētahi tino ka tāmate i te pelu, ka ko iētahi ka kave fakapagotā ki atunuku uma; ma ko Ieluhalema ka holi ki lalo i vae o tagata nukukehe, ke pa lava ki te aho e uma ai te lātou pule.

Loma 16:25

Tātou tuku atu te vīkiga ki te Atua. E ia mafaia oi fakamautū te koutou fakatuatua, e tuha ai ma te Tala Lelei e kō tālakia e uiga Iehu Keliho, ma e tuha ai ma te fakailoa maiga o te meamoni lilo nae mumuni i nā tauhaga e lahi lele kua teka.

Loma 12:16

Koutou ke ola fealofani. Koutou nahe fia hihili, kae fakamāhani ki nā tino loto maulalo. Koutou nahe fia popoto.

Fakaaliga 10:7

Kāfai e pa ki te taimi e ili ai e te agelu tona fitu tana pu, oi ka fakatino ai loa e te Atua tana fuafuaga lilo, e vē ko te fakailoaga e ia ki ana kaukauna, te kau pelofeta.”

Fakaaliga 7:9

Kua uma atu te mea tēnei, oi kō kitea atu ai he kaifenua e tokalahi — e hē mafai ke faitau e he tino te tokalahi! Na ōmamai mai lanu uma, nuku uma, mālō uma ma gagana uma, ma e tutū i mua o te nofoāliki ma te Punuamāmoe. E kokofu papae ma tāofi nā laupama i o lātou lima.

Efeho 3:9

ma ke fakakikila ia tagata uma ki te fuafuaga lilo a te Atua ma tona fakatinoga. Nae mumuni e te Atua, tē na gaohia ia mea uma, tana fuafuaga lilo mai te kāloā,

Fakaaliga 11:15

Oi ili ai te pu a te fitu o agelu, ma na kō lagona atu ai nā leo i te lagi e lea leo lalahi vēia, “Ko te pule e pūlea kātoa ai te lalolagi i te taimi nei, kua i lima o to tātou Aliki ma tana Mehia, ma ka pule pea lava ia ke pa ki te fakavavau!”

2 Petelu 3:8

Kae ko koutou te kau uho pele, nahe puli lele i te mea tēnei e fokotahi! E hēai he kehekehega o te aho e fokotahi ma te afe tauhaga, i te kikila a te Aliki. E tutuha lava nā mea iēnei e lua ia te ia.

1 Kolinito 10:1

Te kau uho, e fia fakamanatu atu e au ki a te koutou te mea na tupu ki nā tupuna o ki tātou na mulimuli ki a Mohe. Nae i lalo uma ki lātou o te puipuiga a te ao, ma na kui loto uma ki lātou o te Tai Kukula ma te haogalēmū.

Loma 1:13

Oku uho, ko au e fofou ke koutou iloa, e lahi lele nā taimi nae fia fanatu ai au oi āhi atu koutou, kae ko hēki maua lele he avanoa. Ko au e fofou ke kō maua ni tino ia te koutou mo Keliho Iehu, e vē oi kō maua i iētahi tagata nukukehe.

1 Kolinito 12:1

E tuha ai ma te mea na tuhi mai ai koutou e uiga kinā meaalofa mai te Agaga Paia. Te kau uho, ko au e fofou ke iloa e koutou te meamoni e uiga kinā mea iēnei.

Mataio 13:11

Kua tali mai ia Iehu, “Kua uma te fakailoa atu ki a te koutou nā mealilo i te Mālō o te lagi, kae ko hēki fakailoa ki iētahi tino.

Ioane 10:16

E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

Loma 9:18

Ko te mea ia, ko te alofa fakahao o te Atua e fakaalia ki ho he tino e loto ia ki ei, ma fakamakaka e ia te loto o ho he tino e loto ia ki ei.

Loma 11:12

Ko te agahala a tagata Iutaia kua maua ai te lahi o fakamanuiaga e te lalolagi, ma ko to lātou mātitiva i te fakateagaga, kua maua ai te lahi o fakamanuiaga e tagata nukukehe. E vēhea ake nei la te lahi atu lele o nā fakamanuiaga e maua kāfai e tau kātoa i loto te nūmela o tagata Iutaia uma!

Loma 11:24

Ko koutou tagata nukukehe e vē ko te lālā o te ōlive ola vale e gagau kehe ma hohoko ki te ōlive e tauhi lelei, e ui lava ko he mea tēnei e hē tuha ma te natula o mea. Ko tagata Iutaia e vē ko te ōlive e tauhi lelei; ma e faigōfie lele i te Atua oi toe hohoko nā lālā iēnei na tagau kehe, ki te lākau lava na tagau mai ai.

1 Kolinito 2:7

Ko te poto e folafola e ki mātou ko te poto lilo o te Atua tē e mumuni mai tagata, kae kua uma te ia filifilia ke maua ai e ki tātou ni vīkiga, ka ko hēki faia te lalolagi.

1 Kolinito 4:1

E tatau ke ia te koutou te manatu ko ki mātou ni kaukauna e a Keliho, ni tino kua tōfia ke kikilāgia nā meamoni lilo a te Atua.

Efeho 1:9

na fakatino ai e te Atua te mea na fofou ia ke fai, ma fakailoa mai ki a te ki tātou tana fuafuaga lilo kua uma te tonu ia te ia ke fakataunuku e ala ia Keliho.

Efeho 4:18

ma e pōuliuli o lātou māfaufau. E hēai ho lātou tofi i te ola e fōki mai e te Atua, auā e matuā hē mālamalama lava ma, e loto makaka.

Fakaaliga 1:20

Ko tēnei te uiga lilo o nā fetu e fitu e kitea e koe i toku lima taumatau, ma nā tugāmōlī aulo e fitu; ko nā fetu e fitu ko nā agelu ia o nā Ekalehia e fitu, ma ko nā tugāmōlī e fitu ko nā Ekalehia iēnā e fitu.