Loma 11:18 - Tokelauan New Testament

¹⁸ Ko te mea ia, koutou nahe kikila fakatauemu ki a te ki lātou na tagau kehe e vē ni lālā. E vēhea ona fāfifia koutou? Ko koutou kua nā ko he lālā; e hē fehoahoani koutou ki nā aka — ko nā aka te fehoahoani atu ki a te koutou.

Loma 11:18 Referans Kwoze

1 Kolinito 10:12

Kāfai koutou e manatu e mau lelei autou tutū, fakaeteete la nā koutou e pakukū.

Loma 11:20

E hako. Na tagau kehe ona e hēki talitonu, kae ko koe e tūmau pea ona ko koe e talitonu. Ia koe la nahe fāfia, kae ke lagona e koe te mataku.

Loma 3:27

He ā la he mea ke fāfifia ai ki tātou? E hēai lele he mea! Aiheā? Ona nei ko ki tātou e uhitaki ki te Tūlāfono? Hēai, kae ona ko ki tātou e talitonu.

Ioane 10:16

E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

Kalatia 3:29

Kāfai koutou e a Keliho, ko koutou la ni lāpuna e o Apelaamo, ma ka maua e koutou uma nā mea kua uma te folafola e te Atua.

Loma 4:16

Ma ko te folafolaga la na fakavae i te fakatuatua, kae ke fakamautū ai te folafolaga, ko he meaalofa fōki fua e a te Atua ki lāpuna uma o Apelaamo — e hē nā mo ki lātou e uhitaki ki te Tūlāfono, kae vēnā foki ki lātou e talitonu e vē ko Apelaamo. Auā ko Apelaamo, ko te tamana fakateagaga ia o ki tātou uma lele;

Mataio 26:33

Kua lea atu ia Petelu ki a Iehu, “E hē kō tiakia lele koe, e tuha lava pe hōhola kehe uma tētahi vāega!”

Ioane 4:22

Ko koutou tagata Hāmālia, e hē koutou iloa pe ko ai te tāpuaki koutou ki ei; ka ko ki mātou tagata Iutaia, e ki mātou iloa te tino e tāpuaki ki mātou ki ei, auā ko te fakaolataga e auala mai i tagata Iutaia.

Gāluega 25:7

I te pa maiga o Paulo, oi tutū ai nā tino Iutaia na ōmamai mai Ieluhalema i tafa o ia ma kāmata oi fai a lātou mōliga mamafa e lahi e uiga ki a Paulo, kae e hēki ki lātou mafaia oi tuku atu ni fakamāoniaga o a lātou mōliga.