Loma 10:16 - Tokelauan New Testament

¹⁶ Kae e hēki talia e ki lātou uma te Tala Lelei. E vē oi lea ia Ihaia, “Te Aliki, ko ai nei te kua talitonu mai ki ta mātou fekau e tau logologo?”

Loma 10:16 Referans Kwoze

Loma 3:3

Kae e vēhea kāfai e i ei ni tino o ki lātou e hē fakamāoni? Ko tona uiga ko te Atua foki la ka hē fakamāoni?

Epelu 4:2

Auā kua fakalogo ki tātou ki te Tala Lelei e vē foki lava ona fakalogo ki lātou ki ei. Na fakalogo ki lātou ki te fekau, kae e hēki aogā mo ki lātou auā e hēki talia e ki lātou ma te loto fakatuatua.

2 Tehalonia 1:8

ma te afi mumū, ke fakahala ai nā tino e teteke ki te Atua ma hē uhitaki ki te Tala Lelei e uiga ki to tātou Aliki ko Iehu.

Kalatia 5:7

Ko koutou nae fētutuli lelei lele! Ko ai te nae fakalavelave atu ki a te koutou ma kua hē mafai ai koutou ke talitonu ki te meamoni?

1 Petelu 2:8

E lea mai foki tētahi tuhituhiga paia, “Ko te fatu tēnei ka tū inoino ai ia tagata, te papa ka hīhīga ki lātou ki luga.” Na tū inoino ki lātou auā e hēki talitonu ki lātou ki te kupu, ma ko fuafuaga lava a te Atua ke vēnei te mea e pa ki lātou ki ei.

Epelu 11:8

Ko te fakatuatua o Apelaamo te na mafai ai ke uhitaki ki te Atua i te kalagaga ki ei o te Atua ke fano ki te fenua kua uma te ia folafolagia mo ia. Na tukua e ia tona lava fenua kae fano ki he mea e hē ia iloa pe ko fea.

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

Loma 6:17

Kae fakafetai ki te Atua, auā e ui lava nae i ei he taimi na fai ai koutou ma pologa a te agahala, ka kua uhitaki koutou ma te loto kātoatoa ki te tūlaga o nā akoakoga na maua e koutou.

Loma 2:8

Kae ka fakaalia tona ita ma tona tōkahā ki a te ki lātou e manatu fakapito ma teteke ki te mea e hako, kae ke mulimuli ai pea ki lātou ki te mea e hehē.

1 Petelu 3:1

E vēnā foki koutou fafine kua fai kāiga, e tatau koutou ke i lalo o te pule a autou tāne. E tuha lava la pe i ei ni tino o ki lātou e hē talitonu ki te kupu a te Atua, kae ka kavea te koutou uhitaki ma mea e liliu ai ki lātou ma talitonu. E hē tau faia e koutou he kupu ki ei,

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

Kalatia 3:1

Kai koutou iēnā i Kalatia te vālelea! Ko koutou nei na fakalauatau e he tino? Ko tēnā na fakakikila outou mata ki te fakamatalaga manino e uiga ki te mate o Iehu Keliho i luga o te hātaulo?

Loma 16:26

Kae nei, kua fakailoa te meamoni ki te lalolagi kātoa e ala i nā tuhituhiga a te kau pelofeta; ma e tuha ai ma te fakatonuga a te Atua e fakavavau, ke mafai ai ia tagata nukukehe uma ke talitonu ma uhitaki ki te Atua.

Loma 11:17

Ko iētahi o lālā o te ōlive e tauhi lelei, kua tagau kehe ma kua hohoko ki ei he lālā o te ōlive ola vale. Ko koutou tagata nukukehe e vē ko te ōlive ola vale, ma i te taimi nei kua maua fakatahi e koutou na fakamanuiaga ona ko koutou kua kavea ma vāega o te ōlive e tauhi lelei.

Loma 1:5

Ko ia te na ala ai ona tuku mai te avanoa e te Atua ke kavea ai au ma apohitolo mo Keliho, kae ke takitaki ai e ia ia tagata o mālō uma, ke talitonu ma uhitaki.

Gāluega 28:24

E i ei nā tino na talitonu ki ana kupu, kae ko iētahi e hēki talitonu.

Ioane 10:26

kae ko koutou e hē talitonu, auā ko koutou e hē ni māmoe e āku.

Mataio 13:14

Ma kua taunuku ai ki a te ki lātou te vāloaga a Ihaia e lea mai: Kua vāgana te Atua, ‘Ko nā tino iēnei ka fakalogo ma fakalogo, kae e hē mālamalama; ma ka kikila ma kikila, kae hē ki lātou kitea,