Loma 1:23 - Tokelauan New Testament

²³ Kua hē tāpuaki ki te Atua e mamalu ma ola pea lava, kae kua tāpuaki ki nā fakatuha kua fau fōliga ki tagata e hē ola tūmau, pe ko nā manulele, nā manu vaefa pe ko nā manu fetolofi.

Loma 1:23 Referans Kwoze

Gāluega 17:29

Ona ko ki tātou ni fānau e a te Atua, e hē tatau la ki tātou ke manatu ko te Atua e tāi fōliga ki he fakatuha e fai i te aulo, pe i te hiliva, pe i te fatu, i te poto ma te iloa o te tagata.

Loma 1:25

E hē talitonu ki lātou ki te meamoni e uiga ki te Atua, kae talia e ki lātou te pepelo; e tāpuaki ma kaukauna kinā mea na gaohia e te Atua, kae e hē tāpuaki ki te tino e a ia nā mea na gaohi ma tē e tatau ke vīkia e tagata ke pa ki te fakavavau! Amene.

1 Petelu 4:3

Kua lava nā taimi nae mulimuli ai koutou i nā taimi kua teka, ki nā mea e fiafia ki ei nā tino fakapaupau. Nae fai e koutou nā āmio mātagā, nā manakoga fakatetagata, te konā, āmio hē pūlea, fai pātī ma nā uiga holi tūlāfono ko te ifo ki tupua.

1 Kolinito 12:2

E vē ona koutou iloa i te taimi ka koi fakapaupau ai koutou, ko koutou nae fakahehē i nā itū e lahi, e ala i te koutou ifo ki nā tupua e hēai ni ola.

Fakaaliga 9:20

Ko nā tino na totoe, ki lātou e hēki feoti i nā mala, e hēki liliu kehe lele mai nā tupua na ki lātou gaohia. E hēki uma to lātou tāpuaki ki nā tēmoni, pe ko nā tupua e gaohia i te aulo, hiliva, apamemea, fatu ma nā lākau, nā mea e hē mafai ke kitea pe lagona he mea, pe mafai ke havavali.

Gāluega 10:12

I loto o te kiekafu, e i ei ai nā itūkāigā manuvaefa uma, nā manufetolofi, ma nā manulele.