Loma 1:21 - Tokelauan New Testament

²¹ E ki lātou iloa te Atua, kae e hē ki lātou mafaia lele oi lea vē ake, “Ko koe ko te Atua moni.” E hē ki lātou lagonagia lele foki he loto fakafetai ki gāluega a te Atua. Kae ko o lātou manatunatuga e hēai lele he uiga, ma o lātou māfaufau papaku, kua tumu i te pōgihā.

Loma 1:21 Referans Kwoze

2 Timoteo 3:2

Auā ko tagata ka manatu fakapito ifo lava te tino ki a te ia lava, ka mānumanu ki nā tupe, ka fāfifia ma fiahihili; ka fai kupu fakakino, ka hē uhitaki ki nā mātua, ka hē loto fakafetai ma hē āmio mamalu,

Fakaaliga 14:7

Kua lea vē atu i he leo lahi, “Koutou ke mātataku i te Atua ma viviki atu ki a te ia, auā kua pa ki te taimi e fakamahino ai e ia ia tagata uma. Ifo atu ki tē na faia te lagi, te lalolagi, te tai, ma nā vaipuna.”

Ioane 3:19

Ko tēnei la te fakamahinoga: kua hau te mālamalama ki te lalolagi, kae ko tagata e fiafia ki te pōuli i lo te mālamalama, auā ko a lātou āmio e kino.

Fakaaliga 15:4

Te Aliki, ko ai nei te ka hē mataku ia te koe? Ko ai nei te ka hē vīkia e ia tō igoa? Ko koe lava oioti te paia. Ko mālō uma ka ōmamai ma ifo atu ki a te koe, auā kua kitea e tagata uma te tonu o tau fakamahinoga.”

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

Loma 11:10

Ke fakapōulitia o lātou mata kae ke hē ki lātou kitea; ma ke pīpiko o lātou tua i o lātou fakafītāuli i taimi uma.”

Loma 1:28

Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

Loma 1:19

E fakahalagia ki lātou e te Atua, auā ko nā mea e tatau ke iloa e uiga ki te Atua, e manino lele ki a te ki lātou, ona na fakailoa lava e te Atua ki a te ki lātou.

Loma 15:9

ma ke mafai ai ia tagata nukukehe ke ki lātou vīkia te Atua, ona ko tona alofa fakahao. E vē oi tūhia i nā Tuhituhiga Paia, “Ma ka vīkia koe e au i te mea e i ei ai ia tagata nukukehe; ka pehe au i nā vīkiga ki a te koe.”

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

1 Petelu 1:18

Auā e iloa e koutou te mea na totogi ai te haolotoga o koutou mai nā uiga e hēai he aogā, na iloa e koutou mai outou tupuna. E hē ko he mea e fano e pala e vē ko te hiliva pe ko te aulo;