Loma 1:14 - Tokelauan New Testament

¹⁴ Auā e i ei toku tiute ki tagata uma lele, nā tino Eleni ma nā tino fakapaupau, nā tino kua akoakogia ma ki lātou e hēki akoakogia.

Loma 1:14 Referans Kwoze

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Gāluega 22:21

Oi vāgana mai ai te Aliki ki a te au, ‘Fano loa, auā ko koe ka uga kehe e au ke fano ki he mea mamao ki nā tino nukukehe.’ ”

Loma 12:16

Koutou ke ola fealofani. Koutou nahe fia hihili, kae fakamāhani ki nā tino loto maulalo. Koutou nahe fia popoto.

2 Kolinito 11:19

Ko te lahi o te koutou mālamalama, kua koutou mafaia ai oi onohai i nā mea a nā vale e fai.

Loma 16:19

Auā e ui kua iloa e tagata uma te koutou fakamāoni, ma ko te mea ia e fiafia ai au, ko au e fofou ke iloa e koutou nā mea e lelei, ma tau mamao lele ma nā mea e kino.

Loma 13:8

Nahe i ei lele he tiute taukave o koutou ki he tino — oioti lava te koutou tiute, ko te alofa o tētahi ki tētahi. Ko te tino e fai e ia te mea tēnei, kua uhitaki ia ki te Tūlāfono.

Loma 8:12

Ko te mea ia te kau uho, e i ei to tātou tiute, kae e hē ko te ola e tuha ai ma te natula fakatetagata.

Loma 1:22

E lea vē, ko ki lātou e popoto, kae ni tino vālelea.

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

2 Kolinito 10:12

E hē vē ko ki mātou e taumafai ke fakatuhatuha ki mātou ki nā tino e manatu ko ki lātou lava e hili te lelei. Kai te vālelea ātili o iēnei tino! E fai e ki lātou lava te fua fakatatau ke fua ai te tūlaga e i ei ai ki lātou tau tokatahi, ma e fakamahino lava e tētahi tētahi e ala i te lātou lava fua fakatatau!

1 Kolinito 14:16

Kāfai koe e fakafetai ki te Atua i te agaga oioti, e vēhea ona lea he tino kehe e i ei fakatahi i te māfutaga, “Amene” ki te fakaikuga o tau tatalo fakafetai, kāfai e hē mālamalama i au kupu e tautala ai koe?

1 Kolinito 14:11

Kae kāfai au e hē mālamalama i te gagana e fakaaogā, ko nā tino e tautatala ai ka kavea e vē ni tagata nukukehe i taku kikila, ma ka kavea au e vē he tagata nukukehe i te lātou kikila.

1 Kolinito 3:18

Ia koutou lele nahe fakahehēagia. Kāfai he tino o koutou e manatu ko ia e poto i nā mea o te lalolagi nei, e tatau i te tino tēnā ke kavea ma vale, kae ke poto moni ai ia.

1 Kolinito 2:13

Ko te mea ia, ko ki mātou e hē tautatala i ni kupu na akoako e te poto fakatetagata, kae tautatala i nā kupu na akoako e te Agaga, i nā taimi e fakamālamalama ai e ki mātou nā meamoni fakateagaga, ki nā tino kua ia te ki lātou te Agaga.

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

Gāluega 28:4

Kua kitea atu e nā tino o te fenua te gata e tautau i te lima o Paulo, oi lea vē ai tētahi ki tētahi, “Ko te tagata nei hōvē he tino tāmate tino, ka ko te atua o te faimeatonu ka he ia fakahaoagia ia, e tuha lava pe na hao mai i te tai.”

Gāluega 28:2

Na alofagia ki mātou e tagata o te fenua. Na kāmata oi ua ma mālūlū, oi tafu ai e ki lātou he afi ma tali lelei ki mātou.

Luka 10:21

I te taimi lava tēnā, na fakatumulia ai ia Iehu e te Agaga Paia i te fiafia lahi ma lea vē ake ai, “Te Tamana, te Aliki o te lagi ma te lalolagi! Ko au e fakafetai atu ki a te koe, auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia. Io, te Tamana, ko te mea lava tēnei na fofou koe ke fai.

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.