Kolohe 3:19 - Tokelauan New Testament

¹⁹ Koutou tāne, alolofa ki autou āvaga ma nahe koutou fakahāuā ki ei.

Kolohe 3:19 Referans Kwoze

1 Petelu 3:7

E vēnā foki koutou tāne; e tatau ke fai fakalelei e koutou autou āvaga i te koutou māfutaga, auā e hē tutuha to lātou mālolohi ma koutou. Fakaaloalo ki ei, auā ka maua foki e ki lātou fakatahi ma koutou te ola e ala i te alofa tūnoa o te Atua. Fai te mea tēnei kae ke nahe i ei ai he mea e fokotahi e fai ma fakalavelave i autou tatalo.

Kolohe 3:21

Koutou mātua, koutou nā fakakonokono ki a autou fānau, auā e i na ka fakalotovāivai ai ki lātou.

Efeho 5:25

Koutou tāne, alolofa ki autou āvaga e vē foki lava oi alofa ia Keliho ki te Ekalehia, ma na ia tuku atua ai tona ola mo te Ekalehia.

Efeho 4:31

Tīaki te loto tīgā, te loto fekai ma te ita. Nahe toe taukekē pe faikupu fakakino, nahe toe i ei lele ni manatu e fakatupu ai te loto ita.

Efeho 5:33

Kae e fakatatau foki ki a te koutou: ko tāne tau tokatahi uma e tatau ke alolofa ki a lātou āvaga, ma e vēnā foki ia fafine tau tokatahi uma, e tatau ke āva ki a lātou tāne.

Iakopo 3:14

Kae kāfai nā loto o koutou e tumu i te fuā, te ita ma te fakapito, koutou nahe gugutu ma talapepelo ke mumuni ai te meamoni.

Luka 14:26

“Ko ai lava he tino e hau ki a te au, ka hē mafai ke kavea ia ma oku hoko, vaganā e hili atu tona alofa mai ki a te au, i lo ki tona tamana ma tona mātua, tana āvaga ma tana fānau, ona uho ma ona tuafafine, ma ke pa lava ki tona lava ola.

Loma 3:14

ko a lātou kupu e tumu i te ita ma te fetū.