Kolohe 3:17 - Tokelauan New Testament

¹⁷ Ko nā mea uma la e fai e koutou, e tatau ke fai e koutou mo te Aliki ko Iehu, e vē oi fakafetai koutou kui atu ia te ia, ki te Atua te Tamana.

Kolohe 3:17 Referans Kwoze

1 Kolinito 10:31

Ko te mea ia, pe he ā lava ta koe e fai, pe ko koe e kai pe inu, fai uma nā mea iēnei mo he vīkiga o te Atua.

Kolohe 3:23

Pe ko he ā lava he mea e fai e koutou, fai ma te loto kātoatoa, e vē ko koutou e gālulue mo te Aliki, ka e hē mo tagata.

Efeho 5:20

Ke fakafetai pea lava koutou ki te Atua te Tamana mo nā mea uma lele, i te igoa o to tātou Aliki ko Iehu Keliho.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.

1 Tehalonia 5:18

ma ke maua i te loto fakafetai i nā mea uma e pa koutou ki ei. Ko tēnei te mea e fofou ki ei te Atua mai ia te koutou, i te koutou ōlaga māfuta fakatahi ma Keliho Iehu.

1 Petelu 2:5

Ōmamai ko koutou foki ni fatu e ola pea lava, ke fakaaogā koutou i te fauga o te mālumalu fakateagaga, te mea ka tautua ai koutou e vē ni ohitāulaga paia, ke ofo atu nā tāulaga e fiafia ki ei te Atua e ala ia Iehu Keliho.

Epelu 13:15

E tatau ai la ke ofo ake pea lava e ki tātou he tāulaga ki te Atua e ala ia Iehu, he tāulaga e ofo ake i nā laugutu kāfai ki tātou e lea vē, “ko ia ko to tātou Aliki.”

1 Ioane 3:18

Taku fānau, ki tātou nahe alolofa i ni kupu ma ni tala, kae ia tātou gāluega e fai ma te alofa moni.

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

Filipi 2:11

ma ka takutaku atu e ki lātou uma lele ko Iehu Keliho ko te Aliki, ke vīkia ai te Atua te Tamana.

Gāluega 4:30

Fālō atu tō lima ke fakamālōlō ai ia tagata, ma ke mafai ke fai ni fakailoga ma ni vāvega e ala i te igoa o tau Kaukauna paia ko Iehu.”

2 Tehalonia 2:17

ke fakamālohi ma fakamākeke atu ki a te koutou i taimi uma, ke tautatala ma fai ai pea lava e koutou nā mea e lelei.

Filipi 1:11

Ka fakatumulia outou ōlaga i nā uiga e lelei kātoatoa e ala ia Iehu Keliho, kae ke ifo ma viviki ake ai ia tagata ki te Atua.

Gāluega 19:17

Kua lagona te tala tēnei e nā tino Iutaia uma, vēnā ma nā tino nukukehe uma nae nonofo i Efeho; oi na mātataku uma lele ai ki lātou, ma fakaatili ai oi vīkia lahi e ki lātou te igoa o te Aliki ko Iehu.

Efeho 1:17

ma ko au e fakatoga ki te Atua o to tātou Aliki ko Iehu Keliho, te Tamana e uiga kehe tona mamalu, ke fōki atu ki a te koutou te Agaga, tē ka maua ai e koutou te mālamalama, ma fakailoa atua ki a te koutou te Atua, kae ke koutou iloa ai ia.

Kolohe 2:7

Ke mau ma loloto nā aka o koutou ia te ia, ati ake outou ōlaga i luga o ia, ma ke tuputupu te mālohi o te koutou fakatuatua, e vē oi akoako atu ai koutou. Ma ke fakatūtumugia koutou i te loto fakafetai.

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

1 Ioane 2:23

Auā ko te tino e hē ia taliagia te Ataliki e hē ia te ia foki te Tamana; ko te tino e ia taliagia te Ataliki e ia te ia foki te Tamana.

Loma 1:8

Muamua, ko au e fakafetai ki toku Atua mo koutou uma lele e ala ia Iehu Keliho, auā ko te koutou fakatuatua kua iloa e te lalolagi kātoa.

Epelu 1:5

Auā ko te Atua e hēki lea lele vēnei ki hētahi o ana agelu, “Ko koe ko toku Ataliki i te aho nei ko au kua kavea ma o Tamana.” E hēki lea foki te Atua vēnei e uiga ki hana agelu, “Ko au ka kavea ma ona Tamana ma ka kavea ia ma oku Ataliki.”

1 Tehalonia 1:1

Mai ia Paulo, Hila ma Timoteo — Ki nā tino o te Ekalehia i Tehalonika, iē kua kavea ma tagata o te Atua te Tamana, ma te Aliki ko Iehu Keliho: Ke ia te koutou te alofa tūnoa ma te fīlēmū.

Kolohe 3:15

Ko te fīlēmū e fōki atu e Keliho, ke takitakia ai koutou i autou tonu e fai; auā ko te fīlēmū tēnei kua kalagagia fakatahi ai koutou e te Atua, i te tino e tahi. Ma e tatau la koutou ke maua i te loto fakafetai.