Kolohe 2:13 - Tokelauan New Testament

¹³ Ko koutou na i ei te taimi na pa ai koutou ki te oti i te itū fakateagaga, ona ko autou agahala ma e ona ko koutou ni tagata nukukehe ma nae hē koutou iloa te Tūlāfono. Ka kua toe kaumai koutou e te Atua ki he ōlaga fou fakatahi ma Keliho. Kua fakamāgalo ki tātou e te Atua mai ia tātou agahala uma lele;

Kolohe 2:13 Referans Kwoze

Efeho 2:1

I nā aho kua teka, ko koutou nae ni tino kua feoti i te fakateagaga, ona ko koutou nae hē uhiuhitaki ma fai e koutou te agahala.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

2 Kolinito 5:19

Ko te uiga o ta mātou lea atu, kua fakaleleia e te Atua te va o ia ma te lalolagi e ala ia Keliho. E hēki ia faitaua ia agahala a tagata, ma kua tuku mai e ia ki a te mātou, ke fakaleleia te va o ia ma tagata.

Efeho 2:11

Ke manatua ko koutou na fānanau mai ni tagata nukukehe — nae takua “ni tino hē pelitomea” e nā tino Iutaia nae ki lātou takua ki lātou “ni tino kua pelitome” (he mea e fai ki te tino i nā lima).

Luka 15:32

Kae kua tatau ki tātou ke kakai ma fiafia, auā ko tō uho na mate, ka kua toe ola mai; na galo, ka kua toe maua.’ ”

Luka 15:24

Auā ko toku ataliki tēnei, na oti kae kua toe ola mai; na galo, kae nei kua toe maua.’ Oi kāmata ai loa te lātou kaiga fiafia.

Iakopo 2:26

Ko te tino e hē mānava kua mate, ma e vēnā foki te fakatuatua e aunoa ma ni gāluega, kua mate.

Efeho 5:14

auā ho he mea e kitea manino e fai tēnā ma mālamalama. E vē oi tūhia, “Ala ake koe tēnā e moe, ma tū ki luga mai te mate, ma ka huhulu atu te mālamalama o Keliho ki a te koe.”

1 Kolinito 15:45

Auā e lea mai te tuhituhiga paia, “Ko te uluaki tagata, ia Atamu, na gaohia ma tagata ola”; ka ko te Atamu mulimuli, na kavea ma Agaga e puna mai ai te ola.

Loma 6:13

Nahe tuku atua foki he itūtino o outou tino ke fakaaogā e vē ni mea faigāluega mo nā mea kino. Kae e tatau ke tuku atu koutou mo te Atua, e vē ko nā tino kua toe fakatutū mai te oti ki te ola, ma tuku kātoa atu outou tagata, ke fakaaogā ma mea faigāluega mo nā mea lelei.

1 Ioane 2:12

Ko au e tuhi atu ki a te koutou taku fānau, auā ko autou agahala kua fakamāgalo e ala ia Keliho.

1 Kolinito 15:36

Ko koe te favalevalea! Kāfai e totō e koe he fatu lākau i te kelekele, e hē mafai ke ola ake heiloga kua mate.

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

Luka 9:60

Kua tali atu ia Iehu, “Tuku vē nā tino oti ke tanu e ki lātou o lātou lava tino oti. Ka ko koe, fano oi tālaki atu ki tagata te Mālō o te Atua.”

Epelu 6:1

Tātou olo la ki mua ki nā akoakoga mo nā tino mātutua, kae tuku nā lehona muamua e uiga ki a Keliho. E hē tatau ke haga talanoa pea lava ki tātou ki te māfuaaga e tatau ai ki tātou ke liliu kehe mai nā faiga e hēai he aogā, ma pe aiheā foki te tatau ai ki tātou ke talitonu ki te Atua.

1 Timoteo 5:6

Kae ko he fafine kua oti tana āvaga kae e fano oioti tona māfaufau ki nā mea fakafiafia o te ōlaga, kua oti, e ui lava koi ola.

Loma 4:17

e vē oi tūhia i te tuhituhiga paia, “Kua kō faia koe ma tamana o mālō e lahi.” Ko te folafolaga la e lelei i te kikila a te Atua, te Atua nae talitonu ki ei ia Apelaamo — te Atua e ia toe fakatutūa nā tino kua oti, ma ko tana fakatonuga e maua ai te ola e nā mea nae hēki i ei muamua.

Ioane 6:63

Ko te Agaga o te Atua te maua ai te ola; ko te mālohi o te tagata e matuā hēai lava he aogā. Ko nā kupu kua tautala atu ai au ki a te koutou, e maua ai e koutou te ola mai te Agaga o te Atua.

Iakopo 2:20

Kai koe te valea! E fofou koe ke fakahino atu ki a te koe ko te fakatuatua e aunoa ma ni gāluega, e hēai he aogā?

Iakopo 2:17

E vēnā foki la te fakatuatua; kāfai e nā ko te fakatuatua oioti kae hēai ni gāluega, e hēai he aogā.

1 Timoteo 6:13

I mua o te Atua, tē e ia fōkia te ola ki mea uma, ma i mua o Keliho Iehu, tē na takutino tona fakatuatua i mua o Ponitiō Pilato, ko au e lea vēnei atu

Kolohe 2:12

Auā i te papatihoga o koutou, ko koutou na tanu fakatahi ma Keliho, ma e ala i te papatihoga na toe fakatutū mai ai foki koutou mai te oti fakatahi ma Keliho e ala i te koutou fakatuatua ki te mana galue o te Atua, tē na ia toe fakatūa ia Keliho mai te oti.