Iuta 1:1 - Tokelauan New Testament

¹ Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho:

Iuta 1:1 Referans Kwoze

1 Petelu 1:5

Ko nā mea iēnei e mo koutou, ma e ona ko koutou e fakatuatua ki a Iehu Keliho, kua puipui malu ai koutou i te mana o te Atua, mo te fakaolataga kua uma te tāpena ke fakaalia i te taimi mulimuli.

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

2 Timoteo 1:9

Ko ki tātou na fakaola e te Atua ma ia filifilia ke kavea ma ona tagata, e hē ona ko nā gāluega kua ki tātou faia, kae ona ko ana lava fuafuaga ma tona alofa tūnoa. Na ia fōki maia tona alofa tūnoa tēnei e ala ia Keliho Iehu, ka ko hēki faia te lalolagi,

Ioane 14:22

Kua lea atu ia Iuta (e hē ko Iuta Ihikaliota), “Te Aliki, e vēhea ona mafai ke kē fakailoa mai koe ki a te ki mātou, kae hē fakailoa ki te lalolagi?”

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

Loma 1:1

Mai ia Paulo, he kaukauna e a Keliho Iehu, ma ko he apohitolo na kalagagia ma filifilia e te Atua, ke tālakia tana Tala Lelei.

Ioane 17:15

Ko au e hē lea atu ke kave kehe ki lātou mai te lalolagi, ka ko au e lea atu, ke puipui malu ki lātou mai ia Hātani.

2 Petelu 1:1

Mai ia Himona Petelu, he kaukauna ma he apohitolo e a Iehu Keliho — Ki nā tino kua fōki ki ei he fakatuatua tāua e vē foki lava ko ki mātou, e ala i te āmiotonu o to tātou Atua ma to tātou Fakaola ko Iehu Keliho:

1 Petelu 5:10

Kāfai e uma atu nā taimi e puapuagā ai koutou, ko te Atua o te alofa tūnoa tē e ia kalagagia koutou ke i ei i tona mamalu tūmau i te māfutaga ma Keliho, ka ia toe fakakātoatoagia koutou, ma lagolago ma fakamākeke atu.

Epelu 3:1

Te kau uho Kelihiano, koutou iēnā kua kalagagia foki e te Atua! Māfaufau ki a Iehu, tēia na uga mai e te Atua ke kavea ma Ulu Ohitāulaga ke fehoahoani ki nā mea uma e tālaki e ki tātou, ma e talitonu ki tātou ki ei.

Loma 8:30

Ma ko ki lātou na muamua tōfia e te Atua, na kalagagia e ia; ma ko ki lātou na kalagagia e ia, na fakaleleia to lātou va ma ia; ma ko ki lātou na ia fakaleleia to lātou va ma ia, na i ei fakatahi ki lātou ma ia i tona mamalu.

Loma 6:22

Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

1 Petelu 1:2

Ko koutou na filifilia e tuha ai ma fuafuaga a te Atua te Tamana, ma na fakapaiagia e tona Agaga, ke uhitaki ki a Iehu Keliho ma ke fakamamāgia i tona toto. Ke tūmau pea ia te koutou te alofa tūnoa ma te fīlēmū o te Atua.

Iakopo 1:1

Mai ia Iakopo, he kaukauna e a te Atua ma e a te Aliki ko Iehu Keliho: E fakatālofa atu ki nā puikāiga e hefululua e takape i te lalolagi kātoa.

2 Timoteo 4:18

Ma ka laveakia au e te Aliki mai nā faiga kino uma, ma ia kavea au ma te haogalēmū ki tona Mālō i te lagi. Ke ia te ia te vīkiga ke pa lava ki te fakavavau! Amene.

1 Tehalonia 2:12

Nae fakamālohi atu ki mātou ki a te koutou, nae fakamāfanafana atu ma fakamākeke atu ki mātou ko koutou ke ola i te itūkāigā ōlaga e fiafia ki ei te Atua, tē e kalaga mai ke kavea koutou ma vāega o tona Mālō ma tona mamalu.

Efeho 5:26

Na ia faia te mea tēnei ke fakapaia ai te Ekalehia mo te Atua e ala i tana kupu (ka kua uma ai te fakamamāgia e ia i te vai),

1 Kolinito 6:11

Ko iētahi o koutou nae vēnei. Kae ko koutou kua uma te fakamamāgia mai te agahala; ko koutou kua uma te ofo atu mo te Atua; kua uma te fakalelei o te koutou va ma te Atua e te Aliki ko Iehu Keliho ma te Agaga o to tātou Atua.

1 Kolinito 1:2

Ki te Ekalehia a te Atua i Kolinito, ki a te koutou uma kua kalagagia e te Atua ke kavea ma ona tagata, i te māfutaga ma Keliho Iehu, fakatahi ai ma nā tino uma lele, pe ko fea lava te mea e tāpuaki ai ki to tātou Aliki ko Iehu Keliho, te Aliki o ki lātou vēnā ma ki tātou.

Loma 16:18

Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

Loma 9:24

Auā ko ki tātou ko nā tino ia kua kalaga mai ki ei te Atua, e hē ko nā tino Iutaia oioti, kae vēnā foki ia tagata nukukehe

Gāluega 27:23

Auā ko anapō na hau ai he agelu a te Atua, tē e a ia au, ma e tāpuaki au ki ei

Luka 6:16

ko Iuta te ataliki o Iakopo, ma Iuta te Ihikaliota, te tino na kavea ma fakalata.

Gāluega 20:32

“Ma i te taimi nei, e kō tuku atua koutou ki lima o te Atua, ma ki te fekau e uiga ki tona alofa tūnoa, e mafai ai ke tuputupu pea te koutou ola fakateagaga ma maua ai e koutou nā fakamanuiaga a te Atua mo ona tagata uma.

Gāluega 1:13

Kua taunuku atu ki lātou ki Ieluhalema, oi olo ai ki te potu nae nonofo ai i te falealuga; ko Petelu, ko Ioane, ko Iakopo ma Anitelea, ko Filipo ma Toma, ko Patolomaio, ko Mataio, ko Iakopo te ataliki o Alefaio, ko Himona (nae fakaigoa ko te Lotonuku), ma Iuta te ataliki o Iakopo.

Ioane 17:19

Ona ko ki lātou, e ofo kātoatoa atu ai au mo koe, kae ke mafai ai foki ke ofo kātoatoa atu ki lātou mo koe, ma te fakamāoni.

Ioane 17:17

Ko tau kupu ko te meamoni. Ke kavea la te kupu tēnei ma mea e ofo kātoatoa atu ai ki lātou mo koe.

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ioane 6:39

Ma ko te finagalo o tē na ia uga maia au, ke nahe kō faia he mea ke māumau ai he ola o he tino o ki lātou uma kua ia fōki maia ki a te au, kae ke kō fakatutūa uma ki lātou ki te ola, i te aho mulimuli.

Maleko 3:18

ko Anitelea, ko Filipo, ko Patolomaio, ko Mataio, ko Toma, ko Iakopo te Ataliki o Alefaio, ko Tātāio, ko Himona te Lotonuku,

Mataio 10:3

ko Filipo ma Patolomaio; ko Toma ma Mataio te aolāfoga; ko Iakopo te ataliki o Alefaio, ma Tātāio;

Mataio 13:55

E hē ko ia tēnei te ataliki o te kāmuta? E hē ko Malia nei tona mātua? E hē ni uho nei e o ia ia Iakopo, Iohefa, Himona ma Iuta?

Maleko 6:3

E hē ko ia tēnei te kāmuta, te tama a Malia, te uho o Iakopo, Iohefa, Iuta ma Himona? E hē ko nā tuafafine uma o ia e i kinei ma ki tātou?” Ko te mea ia na teteke ai e ki lātou ia Iehu.

Loma 1:6

Ko te mea tēnei e aofia ai foki ma koutou iēnā i Loma, koutou iēnā kua kalaga ki ei te Atua ke kavea mo Iehu Keliho.

Iuta 1:3

Aku uō pele, ko au nae taumafai ke tuhi atu ki a te koutou e uiga ki te fakaolataga kua maua fakatahi e ki tātou. Kae nei kua ia te au te lagona ke tuhi vave atu loa, ma fakamālohi atu ko koutou ke tau pea lava mo te talitonuga faka-Kelihiano kua fōki mai e te Atua ki ona tagata.

Iuta 1:21

ke tūmau koutou i loto o te alofa o te Atua, ka koi fakatalitali koutou ki te ola fakavavau e fōki atu e to tātou Aliki ko Iehu Keliho, e ala i tona alofa fakahao.