Ioane 8:9 - Tokelauan New Testament

⁹ I te fakalogoga o ki lātou ki te mea tēnei, oi gāholoholo ai tau tokatahi kua olo kehe, kāmata atu i nā tino mātutua. Kua totoe nei nā ko Iehu fakatahi ai ma te fafine, koi tū lava i te mea na fakatū ai.

Ioane 8:9 Referans Kwoze

Loma 2:15

E fakaalia ia lātou mea e fai, ko nā mea e fakatonu mai e te Tūlāfono kua tūhia i o lātou loto. E fakaalia foki e ala i o lātou lotofuatia te moni o te mea tēnei, auā ko iētahi taimi ko o lātou manatunatuga e vē ake, “E hehē tau mea na fai” kae ko iētahi taimi e vē ake, “E hako tau mea na fai.”

1 Ioane 3:20

Kae e tuha foki lava pe hē toka lelei o tātou loto, ko te Atua e hili lele atu tona mālohi i lo o tātou loto, ma e ia iloa ia mea uma lele.

Loma 2:22

E lea koe, “Nahe kē mulilua” — kae ko koe e mulilua. E inoino koe ki nā tupua — kae e kaihohoa e koe nā fale e i loto ai nā tupua.

Ioane 8:10

Kua tū hako ake ki luga ia Iehu oi fehili ai ki te fafine, “Iēfea ko nā tino? Nī kō kua hēai he tino e totoe ke ia fakahalagia koe?”

Ioane 8:12

Kua toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko te tino e mulimuli mai ki a te au, ka hē havali lele i te pōuli, kae ka maua e ia te mālamalama e takitakia ai ki te ola moni.”

Luka 13:17

Ko tana tali tēnei na lagona ai te māhiahi e nā tino nae feita ki a te ia; ka ko te kaifenua kātoa kua fiafia lahi, ona ko nā mea lelei uma na ia faia.

Ioane 8:2

I te taeaopōpō o te aho alafaki, na toe fano ai ia Iehu ki te Mālumalu. Kua ōmamai ki a te ia nā tino uma lele, oi nofo ai ki lalo ma kāmata ai oi akoako atu e ia ki lātou.

Ioane 8:3

Oi ōmamai ai nā faiakoga o te Tūlāfono ma nā Falehaio ma kaumai he fafine na maua e mulilua, ma kua fakatū e ki lātou i mua o te potopotoga kātoa.

Ioane 8:8

Oi toe punou ai foki ki lalo ma tuhituhi ki luga o te kelekele.