Ioane 8:52 - Tokelauan New Testament

⁵² Kua lea atu ki lātou ki a te ia, “Kua ki mātou fakamāonia nei ko koe e ulufia e he tēmoni. Ko Apelaamo na oti, na feoti foki ma nā pelofeta, kae ko koe e lea mai, ko ai lava e uhitaki ki au akoakoga e hē oti lele.

Ioane 8:52 Referans Kwoze

Epelu 2:9

Kae kua ki tātou kitea ia Iehu, tē na fakamaulalogia i lo nā agelu mo hina taimi, kae ke oti ai ia e ala i te alofa tūnoa o te Atua, mo tagata uma lele. I te taimi nei la, kua kitea e ki tātou ko Iehu kua fakapalegia i te paia ma te mamalu, ona ko tona onohai i nā puapuagā na pa ia ki ei i tona mate.

Ioane 9:24

Kua fakalua ona toe fekau e ki lātou te tamāloa na fānau mai e tāuaho, oi lea vē atu ai ki ei, “Takutino i mua o te Atua ko koe ka tautala i te meamoni! E iloa e ki mātou ko te tino na ia fakamālōlōa koe ko he tino agahala.”

Ioane 8:48

Kua tali atu nā tino Iutaia ki a Iehu, “Aiheā e vē lele e hehē te mea e lea ai ki mātou, ko koe ko he Hāmālia ma e ulufia e he tēmoni?”

Epelu 11:13

Ko te fakatuatua te na feoti ai nā tino uma iēnei. E hēki ki lātou mauagia nā mea na folafola e te Atua, kae na ki lātou kitea mamao lele atu nā mea iēnei, ma na fiafia oi fakailoa, ko ki lātou ni tino kehe e fakaaunukua i te lalolagi.

Ioane 8:51

E takutino atu e au ki a te koutou te meamoni: ko ai lava e uhitaki ki aku akoakoga ka hē oti lele.”

Mataio 11:18

I te hauga o Ioane, nae fakalāina ma hēki inu ki he uaina, kae kua lea vē nā tino, ‘E ulufia e he tēmoni!’

Ioane 1:19

Ko tēnei te molimau a Ioane, i te uga atuga e nā takitaki o Iutaia i Ieluhalema ni ohitāulaga ma ni ha-Levī ke fehili vē ki ei, “Ko ai koe?”

Ioane 7:20

Kua tali mai nā tino i te kaifenua, “Ko koe e ulufia e he tēmoni. Ko ai te taumafai ke tāmate koe?”

Ioane 8:22

Oi lea vē ai nā takitaki o Iutaia, “E lea mai ko ki tātou e hē mafai ke olo ki te mea e fano ia ki ei. Ko tona uiga nei ka fano oi pule ki tona ola?”

Ioane 8:55

E hēki koutou iloa lele ia, kae e iloa e au. Kāfai au e lea atu e hē ko iloa, ka kavea au ma tagata pepelo e vē ko koutou. Kae e iloa e au, ma ko au e uhitaki ki tana kupu.

Ioane 14:23

Kua tali mai ia Iehu ki ei, “Ko nā tino e alolofa mai ki a te au, ka uhitaki ki aku akoakoga. Ka alofa toku Tamana ki a te ki lātou, ma ka oatu ki māua ma toku Tamana ki a te ki lātou ma nonofo fakatahi ma ki lātou.

Ioane 15:20

Manatua te mea na lea atu ai au ki a te koutou: ‘E hē hili atu nā pologa i lo to lātou matai.’ Kāfai au na hāuāgia e tagata, ka vēnā foki ona hāuāgia koutou; kāfai na uhitaki mai ki lātou ki aku akoakoga, ka vēnā foki ona uhitaki atu ki lātou ki autou akoakoga.

Ioane 17:6

“Kua uma te fakailoa e au o koe ki a te ki lātou uma na kē filifilia mai te lalolagi, ke mulimuli mai ki a te au. Ko nā tino iēnei e a koe, na kē tuku maia ki a te au. Kua uhiuhitaki ki lātou ki tau kupu,