Ioane 8:46 - Tokelauan New Testament

⁴⁶ E i ei nei he koutou tino e ia mafai oi fakamāonia kua kō faia he agahala? Kāfai au e tautala i te meamoni, he ā la te hē talitonu mai ai koutou ki a te au?

Ioane 8:46 Referans Kwoze

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Ioane 14:30

Ka hē toe mafai ke fai atu ni aku tala ki a koutou, auā te pule o te lalolagi nei kua hau. E hē ia mafaia oi pule mai ki a te au,

Ioane 8:7

Ka koi tūfehili vēnei ki lātou ki a Iehu, kae tū ake loa ia Iehu ki luga, ma lea vē atu ki a te ki lātou, “Ko ai lava o koutou e hēai hana agahala, e tatau ke togi e ia te fatu muamua.”

Maleko 11:31

Kua kāmata oi fai fīnauga ki lātou ma lea vē tētahi ki tētahi, “Kāfai ki tātou e lea, ‘E mai te Atua,’ ka lea mai nei, ‘He ā la te hēki talitonu ai koutou ki a Ioane?’

Mataio 21:25

Ko te pule a Ioane na fai ai tana papatihoga na hau mai fea: na hau mai te Atua pe mai tagata?” Kua kāmata oi fai fīnauga ki lātou ma lea vē tētahi ki tētahi, “Kāfai ki tātou e lea, ‘E mai te Atua,’ ka lea mai nei ki a te ki tātou, ‘He ā la te hēki talitonu ai koutou ki a Ioane?’

1 Petelu 2:22

E hēki i ei hana agahala, ma e hēki fakalogo lele he tino ki he kupu pepelo e hau mai tona gutu.

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 16:8

Ma kāfai te koutou Fehoahoani e hau, ka ia fakamāonia ki tagata o te lalolagi, te hehē o to lātou tāofi e uiga ki te agahala, ma e uiga ki te mea e hako, ma e uiga ki te fakamahinoga a te Atua.

Ioane 15:10

Kāfai koutou e uhitaki ki nā mea e fakatonu atu ai koutou e au, ka tūmau foki koutou i toku alofa, e vē lava ona uhitaki au ki nā mea e fakatonu mai e te Tamana, ma tūmau ai au i tona alofa.

Ioane 8:47

Ko te tino e hau mai te Atua, e fakalogo ki te kupu a te Atua. Kae ko koutou e hē mai te Atua, ma ko te mea ia e hē fakalogo ai koutou ki te Atua.”