Ioane 8:45 - Tokelauan New Testament

⁴⁵ Kae ko au e tautala lava i te meamoni, ma ko te mea ia e hē talitonu mai ai koutou ki a te au.

Ioane 8:45 Referans Kwoze

2 Tehalonia 2:10

ma fakaaogā nā āmioga hehē uma lele ki nā tino e tuku e fakaumatiagia. Ka fakaumatia ki lātou auā e hēki ki lātou taliagia ma alolofa ki te fekau moni e uiga ki to tātou Aliki, ma mafai ai ke fakaolagia ki lātou.

Kalatia 4:16

Ko au nei la kua fai ma outou fili auā ko au e tautala atu ki a te koutou i te meamoni?

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 7:7

Ko te lalolagi e hē inoino atu ki a te koutou, kae e inoino mai ki a te au, auā ko au e molimau ki te kino o ana gāluega e fai.

Ioane 8:46

E i ei nei he koutou tino e ia mafai oi fakamāonia kua kō faia he agahala? Kāfai au e tautala i te meamoni, he ā la te hē talitonu mai ai koutou ki a te au?