Ioane 8:34 - Tokelauan New Testament

³⁴ Oi lea atu ai ia Iehu ki ei, “E takutino atu e au ki a te koutou te meamoni: ho he tino e agahala, ko he pologa tēnā e a te agahala.

Ioane 8:34 Referans Kwoze

Loma 6:16

E hē koutou iloa, kāfai e tuku atu outou tagata ma pologa ke uhitaki ki he tino, ko koutou ni pologa ki te tino e uhitaki koutou ki ei — pe a te agahala, e iku ai ki te oti, pe a te uhitaki, e iku ai ki te fakaleleia o te va ma te Atua.

2 Petelu 2:19

E folafola e ki lātou te haolotoga, kae ko ki lātou foki ni pologa a nā uiga kino e fakaumatia ai lava ki lātou — auā ko te tagata ko he pologa a ho he mea kua fakatōkilalogia ia.

Loma 6:12

Ko te agahala e hē tatau ke pule ki outou tino e fano e pala, kae ke uhitaki ai koutou ki nā tuinanauga o koutou.

Loma 6:6

Ma e iloa e ki tātou ko o tātou tagata tuai kua tāmate fakatahi ma Keliho i luga o tona hātaulo, kae ke mafai ai o tātou tino agahala ke fakaumatia, ma hē toe kavea ai ki tātou ma pologa a te agahala.

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

Efeho 2:2

I nā aho iēnā, ko koutou nae mulimuli ki nā uiga kino o te lalolagi; ko koutou nae uhitaki ki te pule o agaga i te vānimonimo, tē e ia pūlea nā tino e hē uhitaki ki te Atua.

Loma 7:25

Tātou fakafetai ki te Atua, tē e ia faia te mea tēnei e ala ia Iehu Keliho! Ko tēnei la te tūlaga e i ei au: ko au e tautua ki te Tūlāfono a te Atua i toku māfaufau oioti, kae e tautua toku natula fakatetagata ki te tūlāfono e iku ki te agahala.

Loma 8:21

ka i ei te aho e fakahaoloto ai nā mea uma na ia gaohia ma ka hē toe pala. Kae ka maua fakatahi e ki lātou te haolotoga fiafia e maua e te fānau a te Atua i to lātou mamalu.

Loma 7:14

E iloa e ki tātou ko te Tūlāfono e mai te Atua; kae ko au kua nā ko he tagata, na fakatau ke fai ma pologa a te agahala.

Gāluega 8:23

Auā e kō kitea ko koe kua tumu i te mataua, ma kua fai ma pologa a te agahala.”

Ioane 3:3

Kua tali mai ia Iehu, “E takutino atu e au ki a te koe te meamoni, e hēai he tino e mafai ke ia kitea te Mālō o te Atua, heiloga kua toe fānau fougia.”

Mataio 5:18

Auā e takutino atu e au ki a te koutou, ka ko hēki mavae atu te lagi ma te lalolagi, e hēai he mea e tōkehea mai i te Tūlāfono, ke pa lava ki he koma pe he mataituhi — heiloga kua taunuku nā mea uma.