Ioane 8:32 - Tokelauan New Testament

³² ka iloa e koutou te meamoni e uiga ki te Atua, ma ko te meamoni tēnei ka maua ai e koutou te haolotoga.”

Ioane 8:32 Referans Kwoze

Loma 8:2

Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

Ioane 8:36

Kāfai la kua fakahaoloto koutou e te Ataliki, oi ko koutou kua haoloto moni lava.

Ioane 17:17

Ko tau kupu ko te meamoni. Ke kavea la te kupu tēnei ma mea e ofo kātoatoa atu ai ki lātou mo koe.

1 Petelu 2:16

Ko koutou ni tino e ola haoloto, kae nahe fakaaogā te haolotoga kua ia te koutou ke mumuni ai ho he mea kino; kae ola ko koutou ni pologa e a te Atua.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Loma 6:22

Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

Iakopo 1:25

Kae ko nā tino e kikila ki te tūlāfono e kātoatoa te lelei, tēia e fakahaoloto ai ia tagata, ma tūmau to lātou uhitaki ki ei kae hē nā ko te fakalogo oioti ki ei ma toe puli, kae fakatino — ka fakamanuia ki lātou e te Atua i nā mea e ki lātou faia.

Kalatia 5:1

Kua ia te ki tātou te haolotoga — Ko ki tātou kua fakahaoloto e Keliho! Fakamākeke la ma tūmau i te haolotoga, ma ke nahe toe kavea lele koutou ma pologa.

Iakopo 2:12

Tautatala la ma gālulue ke kitea ai e iloa e koutou ko koutou e fakamahino e te Tūlāfono, tēia e maua ai e tagata te haolotoga.

Kalatia 5:13

Kae e vē la ki a te koutou, te kau uho, ko koutou na kalaga atu ki ei te Atua kae ke maua ai e koutou te haolotoga. Kae nahe kaveagia te haolotoga tēnei ma mea ka pūlea ai koutou e tuinanauga o te tino. Kae ke kavea te alofa ke mafai ai oi tautua tētahi ki tētahi.

Ioane 7:17

Ko ai lava e fiafia oi fai te mea e fofou ki ei te Atua, ka ia iloa pe ko taku akoakoga e hau mai te Atua, pe hau lava i taku pule.

Loma 8:15

Auā ko te Agaga tēia kua tuku atu e te Atua ki a te koutou, e hē ia faia koutou ma pologa, ma fai ma mea e mātataku ai koutou; kae ko te Agaga te kavea ai koutou ma fānau a te Atua, ma i te mana o te Agaga e kālalaga vē atu ai ki tātou ki te Atua, “Te Tamana, To mātou Tamana!”

Ioane 16:13

Kae kāfai e hau te Agaga, tē e ia fakailoa te meamoni, ka ia takitakia koutou ki te meamoni. Ka hē tautala ia i hana lava pule, kae ka tautala i nā mea e ia lagona, ma ka ia fakailoa atua ki a te koutou nā mea ka tutupu.

2 Timoteo 3:7

nā fafine e fiafia pea lava oi fakalogologo ki nā akoakoga, kae e hē mafai lele ke ki lātou iloa te meamoni.

Ioane 6:45

Na tūhia e nā pelofeta, ‘Ko tagata uma ka akoakogia e te Atua.’ Ko nā tino uma e fakalogo ki te Tamana ma maua ho lātou akoakoga mai ia te ia, e ōmamai ki a te au.

Mataio 11:29

Kave taku amo oi tuku ki outou luga ma fakatakitaki mai ki a te au, auā ko au e agamalū ma loto maulalo; ma maua ai e koutou he mapu.

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 1:17

Ko nā Tūlāfono, na tuku mai e te Atua kui mai ia Mohe; kae ko te alofa tūnoa ma te meamoni, na kui mai ia Iehu Keliho.

1 Kolinito 7:22

Auā ko he pologa na kalagagia e te Aliki, ko he tino tēnā e haoloto i te Aliki; e vēnā foki la he tino e haoloto na kalagagia e te Aliki, e kavea ia ma pologa a Keliho.

2 Ioane 1:1

Mai te Toeaina — Ki te Fafine pele ma tana fānau, e alofa lahi au ki ei. Ma e hē nā ko au oioti, kae ko ki lātou uma e iloa te meamoni, e alolofa atu ki a te koutou,