Ioane 8:31 - Tokelauan New Testament

³¹ Oi vāgana atu ai ia Iehu ki nā tino Iutaia kua talitonu ki a te ia, kua vē atu, “Kāfai koutou e uhitaki ki aku akoakoga, ko koutou ni hoko moni lava e ōku;

Ioane 8:31 Referans Kwoze

2 Ioane 1:9

Ko ai lava e hē tūmau i nā akoakoga a Keliho, kae fakaopoopo e ia ni mea ki ei, e hē ia te ia te Atua. Ko ai lava e tūmau i nā akoakoga, e ia te ia te Tamana vēnā ma te Ataliki.

2 Timoteo 3:14

Kae e vē la ki a te koe, pipiki mau pea lava ki nā mea na akoako ai koe ma kua talitonu lelei koe ki ei. E iloa e koe nā tino na akoakoa koe,

Iakopo 1:25

Kae ko nā tino e kikila ki te tūlāfono e kātoatoa te lelei, tēia e fakahaoloto ai ia tagata, ma tūmau to lātou uhitaki ki ei kae hē nā ko te fakalogo oioti ki ei ma toe puli, kae fakatino — ka fakamanuia ki lātou e te Atua i nā mea e ki lātou faia.

1 Timoteo 4:16

Kikila lelei tau āmio ma te faiga o au akoakoga. Fakamālohi oi fai nā mea kua fakatonu atu ai koe e au. Kāfai e fai e koe nā mea iēnei, ka fakaolagia koe e te Atua vēnā ma nā tino e fakalogo atu ki a te koe, e ala i au gāluega.

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

1 Ioane 2:24

Ke mautinoa la e teu pea i outou loto te fekau na fakalogo koutou ki ei mai te kāmataga. Kāfai koutou e tauhi ki te fekau tēnā, ko koutou foki la ka ola pea lava i te hokotaga ma te Ataliki ma te Tamana.

Loma 11:22

E ki tātou kiteagia i kinei te agalelei ma te fakahāuā o te Atua. E fakahāuā ki a te ki lātou kua pakukū ki te agahala, kae agalelei ki a te koutou — pe kāfai e tūmau pea koutou i tona alofa. Kae kāfai e hēai, ko koutou foki la ka tagau kehe.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

Mataio 24:13

Kae ko te tino e onohai pea lava ke pa ki te ikuga, ka fakaolagia.

Ioane 8:36

Kāfai la kua fakahaoloto koutou e te Ataliki, oi ko koutou kua haoloto moni lava.

Ioane 6:55

Auā ko toku kanofi ko te meakai moni ia, ma toku toto ko te vai inu moni ia.

Gāluega 13:43

Kua tākape te maopoopoga i te hūnako, oi taumulimuli ai ki a Paulo ma Panapa nā tino Iutaia e tokalahi, vēnā ma nā tino nukukehe e tokalahi kua liliu ki te tāpuakiga Iutaia. Oi tautatala atu ai nā apohitolo ki a te ki lātou, ma fakamākekeke ki ei ke tūmau pea to lātou ola fakalagolago ki te alofa tūnoa o te Atua.

1 Ioane 2:19

Ko nā tino iēnei na oatu mai ia te ki tātou, kae e hē ni tino e o ki tātou; anei ake ni tino e o ki tātou, e vēnei ake koi nonofo fakatahi ma ki tātou. Kae na olo kehe kae ke manino ai e hēai he tino o ki lātou e hau mai ia te ki tātou.

Epelu 8:9

Ka hē vē ko te feagaiga na kō faia ma o lātou tupuna i te aho na kō kukua ai ki lātou i o lātou lima ma takitaki ki fafo o Aikupito. Nae hē tauhi ki lātou ki te feagaiga a āku ma ki lātou, oi kō tiakia ai ki lātou.

1 Timoteo 2:15

Kae ka maua e fafine te fakaolataga e ala i te fānau mai e ki lātou o tamaiti, pe kāfai e tūmau pea to lātou fakatuatua, te alofa ma te āmiotonu vēnā ma te loto maulalo.

Ioane 1:47

I te kitea atuga e Iehu ko Natanielu e hau ki a te ia, oi lea ai vēia, “Kikila, he Ihalaelu moni tēnei; he tino e hē mafai ke pepelo!”

Gāluega 26:22

Kae e pa mai lava ki te aho nei, e fehoahoani mai lava te Atua ki a te au, ma ko au la e tū atu i kinei ke kavatu taku molimau ki tagata uma, ki nā tino e he tāua ma nā tino e tāua. Ko te mea e lea ai au ko te mea foki lava tēnā e tahi na lea ia Mohe ma te kau pelofeta, e taunuku:

Ioane 2:2

ma na valakaulia ai foki ia Iehu ma ona hoko.