Ioane 8:15 - Tokelauan New Testament

¹⁵ Ko te faiga o tautou fakamahinoga, e fai lava i nā faiga fakatetagata; ko au, e hē kō fakamahinoagia he tino.

Ioane 8:15 Referans Kwoze

Ioane 12:47

E hē fakamahinoa e au nā tino e ki lātou lagona aku kupu, kae hē uhitaki ki ei. Ko au e hēki hau ke fakamahino ia tagata o te lalolagi, kae ke fakaola.

Ioane 7:24

Nahe faiagia tautou fakamahinoga fuafua ki nā mea e kitea i nā mata, kae fuafua ki te mea e tonu.”

Ioane 3:17

Auā e hēki uga maia e te Atua tona Ataliki ke fakamahino ia tagata o te lalolagi, kae na uga mai ke fakaola, e ala ia te ia.

Ioane 18:36

Kua tali mai ia Iehu, “Ko toku mālō e hē o te lalolagi tēnei; anei toku mālō e o te lalolagi tēnei, ko aku kaukauna na tau kae ke nahe pukea ai au e nā takitaki o Iutaia. Hēai, ko toku mālō e hē o te lalolagi.”

1 Kolinito 2:15

Kae ko ai lava e ia te ia te Agaga, e ia mafaia oi fakamahino ia mea uma, kae e hēai la he tino e mafai e ia ke fakamahino te tino tēnā.

Loma 2:1

E fakamahino atu nei koe ki iētahi tino? Te uho, e tuha lava pe ko ai koe, e hēai lele he mea e tatau ai ke fai e koe he mea vēnā. Auā kāfai e fakamahino atu koe ki iētahi tino, kae toe fai foki lava e koe nā mea e ki lātou faia, ko tona uiga kua fakahalagia ia koe e koe lava.

Ioane 8:11

Kua tali mai te fafine, “E hēai he tino, te Aliki,” Oi lea atu ai ia Iehu ki te fafine, “E hē kō fakahalagia foki koe. Fano loa, koe nahe toe agahala.”]

Iakopo 2:4

Kāfai e koutou faia te mea tēnā, ko tona uiga ko koutou kua fakailoga tino ma kua kavea koutou ma fakamahino kino.

Luka 12:14

Ka kua tali atu ki ei ia Iehu, “Na hei faia au ma fakamahino, pe ke pule i te vāevāega o nā mea a koulua ma tō uho?”

2 Kolinito 5:16

Ko te mea ia, e kāmata atu nei, e hē toe ki tātou fakamahinoa he tino, i te kikilaga fakatetagata. E ui lava na i ei te taimi na ki tātou fakamahinoa ai ia Keliho i te kikilaga fakatetagata, kae kua hē toe fai vēnā e ki tātou nei.