Ioane 8:14 - Tokelauan New Testament

¹⁴ Oi tali atu ai ia Iehu, “E tuha pe ko au e molimau lava au ki a te au, ko taku takutinoga e hako, auā e iloa e au te mea na hau ai au, ma te mea e fano au ki ei. E hē iloa e koutou te mea na hau ai au ma te mea e fano au ki ei.

Ioane 8:14 Referans Kwoze

Ioane 16:28

Ko au na hau mai te Tamana ki te lalolagi; ma i te taimi nei, ka kō tukua te lalolagi kae fano ki te Tamana.”

Ioane 13:3

Kua uma ai te iloa e Iehu ko te pule kātoa kua tuku ake e te Tamana ki a te ia, ma ko ia na hau mai te Atua ma e toe fano foki lava ki te Atua,

Ioane 14:10

Ko koe e hē talitonu ko au e tahi i te Tamana ma ko te Tamana e tahi ia te au?” Oi vāgana atu ai ia Iehu ki ona hoko, “Ko nā kupu e tautala atu ai au ki a te koutou e hē mai ia te au. Ka ko te Tamana tē e tūmau ia te au, e fai lava e ia ana gāluega.

Ioane 8:42

Oi lea atu ai ia Iehu ki ei, “Kāfai e hako ko te Atua ko te Tamana moni ia o koutou, e tatau la koutou ke alolofa mai ki a te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia.

Ioane 17:8

Kua uma te tuku atu e au ki ei o te fekau na tuku mai e koe ki a te au, ma kua ki lātou taliagia; e iloa e ki lātou e hako ko au na hau mai ia te koe, ma talitonu ko koe te na uga maia au.

Fakaaliga 3:14

“Tuhi vēnei ki te agelu o te Ekalehia i Laotikeia: “Ko te fekau tēnei mai tē e igoa ko te Amene, te molimau e fakamāoni ma e moni, ko ia ko te kāmataga o nā mea uma na gaohia e te Atua.

2 Kolinito 12:19

Ātonu pe ko koutou e vēakē ko ki mātou e fīnau atu mo ki mātou lava. Hēai! Ko ki mātou e tautatala lava e vē ko te mea e fofou ia Keliho ke tautatala ai ki mātou i mua o te Atua, ma ko nā mea uma e ki mātou faia, e mo te atiakega o koutou a mātou uō pele.

2 Kolinito 12:11

Ko au e vē he vale i aku mea e fai — kae ko koutou te kua māfua ai oi vēnei au, ona na tatau lava ke fakailoa e koutou kua koutou talia au. Auā e tuha lava pe ko au he tino e hēai he aogā, e hēai lele he mea e hili atu ai nā tino fakapitoa iēnei e takua e koutou ni “apohitolo,” i lo au.

2 Kolinito 11:31

Ko te Atua ma te Tamana o te Aliki ko Iehu — ke fakamanuia tona igoa ke pa ki te fakavavau — e ia iloa ko au e hē pepelo.

Ioane 10:36

Kae vē la ki a te au, ko te Tamana lava ia te na ia filifiliagia au, ma na ia uga maia au ki te lalolagi. E vēhea la ona lea koutou ko au e fāifāi ki te Atua ona ko au na lea atu, ‘Ko au ko te Ataliki o te Atua?’

Ioane 10:15

e vēnā foki ona iloa e au aku māmoe, ma ki lātou iloa au. Ma e ofo atu e au toku ola, mo ki lātou.

Ioane 5:31

“Kāfai au e molimau ki a te au lava, ko nā kupu e tautala ai au e hē mafai ke fakamāonia.

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,