Ioane 7:26 - Tokelauan New Testament

²⁶ Kae kikila atu, e tautala i mua tagata, ma e hēai lele he lātou tala e fai ki ei! Pe ona nei e ki lātou iloa ko ia ko te Mehia?

Ioane 7:26 Referans Kwoze

Ioane 7:48

“E koutou iloa pe na kua i ei he takitaki e fokotahi o Iutaia, pe he Falehaio, e talitonu ki a te ia?

Filipi 1:14

Kua kavea toku i te falepuipui ma mea e mautū ai te talitonu o te tokalahi o te kau uho Kelihiano ki te Aliki, ma ka ātili tupu ai pea to lātou fakamālohi ki te tālakiga o te fekau e aunoa ma he mataku.

Gāluega 4:13

Na ofo nā tino o te Taupulega ki nā fakamatalaga a Petelu ma Ioane ona ko te hē mātataku, kae maihe lava i te ki lātou iloaga ko te toka lua tēnei e hē ni tino e lauiloa pe na akoakogia. Oi hāfia ai e ki lātou ko te toka lua tēnei nae ni hoa e o Iehu.

Ioane 12:42

E ui i tēia, e tokalahi ia takitaki o Iutaia na talitonu ki a Iehu; kae ona ko to lātou mātataku i te kau Falehaio, na hēki fofou ai ke fakailoa ki tagata to lātou talitonuga, auā nā ki lātou e tutulia ki fafo o te hūnako.

Ioane 9:22

Na lea vēnā ona mātua, ona kua mātataku i nā takitaki o Iutaia, auā kua uma te fai o te lātou tonu, ko te tino e lea ko ia e talitonu ko Iehu ko te Mehia, e tuli kehe mai loto o te hūnako.

Luka 7:30

Kae kua teteke e te kau Falehaio ma nā faiakoga o te Tūlāfono, te fuafuaga a te Atua mo ki lātou, ma e hēki ki lātou talia ai ke papatiho ki lātou e Ioane.

Mataio 22:16

Oi uga ai e ki lātou ki a Iehu ni tino o nā hoko o ki lātou fakatahi ma ni tino o te vāega e kau ki a Helota. Kua fehili atu ki lātou iēnei ki a Iehu, “Te Faiakoga, e iloa e ki mātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe.

Luka 23:13

Kua fakapotopoto mai e Pilato nā ohitāulaga hili, nā takitaki o te Taupulega ma tagata,

Ioane 3:1

Nae i ei hētahi takitaki o Iutaia, ko Nikotemo te igoa, he tino o te kau Falehaio.

Ioane 4:29

“Ōmamai oi kikila ki te tamāloa na ia taku maia ki a te au, nā mea uma lele a āku na fai. E hē ko ia nei te Mehia?”

Ioane 7:25

Ko iētahi tino i Ieluhalema kua lea vē, “E he ko te tagata nei tēnei e taumafai nā takitaki o Iutaia ke tāmate?

Ioane 7:31

Kae e tokalahi nā tino i te kaifenua kua talitonu ki a te ia ma lea vē, “Kāfai te Mehia e hau, ei na ka lahi atu nei nā fakailoga e ia faia i lo te tagata tēnei?”

Ioane 18:20

Kua tali atu ia Iehu, “Ko au e tautala pea lava i mua o tagata; ma ko aku akoakoga e fai lava i loto o nā hūnako ma loto o te Mālumalu, nā mea e fakapotopoto ki ei nā tino Iutaia uma. E hēai he mea kua lea ai au, e mumunia i nā tino.