Ioane 6:9 - Tokelauan New Testament

⁹ “E i ei te taumalo i kinei, e lima ana falaoa kālite ma nā ika e lua, kae e hē tāitai lele ke lava mo te tokalahi o nā tino iēnei.”

Ioane 6:9 Referans Kwoze

Luka 9:13

Kae kua vāgana atu ia Iehu ki ei, “Fōki ifo e koutou he lātou mea ke kai.” Kua tali mai ki lātou, “Oioti lava a tātou meakai, e lima ia falaoa ma nā ika e lua. E fofou la koe ke olo ki mātou oi fakatau mai ni meakai mā te kaifenua kātoa uma tēnei?”

Maleko 6:38

Oi kua fehili atu ia Iehu, “E fia autou falaoa? Olo oi kikila pe fia.” I te ki lātou iloaga, oi ōmamai ai oi lea vē atu ki a Iehu, “E lima ia falaoa ma nā ika e lua.”

Mataio 14:17

Kua tali mai ki lātou, “Oioti lava a tātou meakai i kinei, e lima ia falaoa ma nā ika e lua.”

Mataio 16:9

Ko hēki koutou hāfia moni nei lava? E hē koutou manatua nā falaoa e lima na kō tavaevaea mo nā tino e lima afe? E fia ia polapola na fakatūtumu e koutou?

Maleko 8:19

te tavaevaega e au o nā falaoa e lima mo nā tino e toka lima afe? E fia ia polapola na tūtumu i nā tōega na koutou aoa?” Kua tali mai te kau hoko, “E hefululua.”

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

Fakaaliga 6:6

ma na lagona e au he mea e vē he leo, e hau i te mea e i ei ai nā meaola e fa, e lea vē, “Ko te tēnali e fokotahi e maua ai ni pauna falaoa e lua e fai i te haito, pe ni pauna falaoa e ono e fai i te kālite. Kae nahe fakakinoagia nā togāolive ma nā tōvine!”

Ioane 11:32

Kua pa atu ia Malia ki te mea e i ei ia Iehu, ma i te ia kitea atuga o Iehu, oi fakapakū ai ki lalo ki tafa o ona vae ma lea vē atu, “Te Aliki, anei ake koe nae i kinei, ko toku tuagane e hēki oti.”

Ioane 11:21

Kua lea atu ia Mafa ki a Iehu, “Te Aliki, anei ake koe nae i kinei, ko toku tuagane e hēki oti!

Ioane 6:7

Kua tali mai ia Filipo, “E hē tāitai ke lava nā falaoa e mafai ke fakatau mai i te 200 tupe hiliva ke maua ai he tamā mea ma nā tino tau tokatahi uma lele iēnei.”

Ioane 6:11

Oi tago ai ia Iehu ki nā falaoa, kua fakafetai ki te Atua, oi fakahoa ai ki nā tino uma nae nonofo i kinā. Na fai vēnā foki e ia nā ika, ma na lava lele ai ma totoe mo ki lātou uma tau tokatahi.

Ioane 21:9

I te pa akega ki gāuta, na ki lātou kitea ai he afi malala e i luga ai ni ika, ma ni falaoa.

Ioane 21:10

Oi vāgana atu ai ia Iehu ki a te ki lātou, “Kaumai ake ni ika i nā ika a koutou na fātoā maua.”

Ioane 21:13

Oi fano ai ia Iehu kua tago ki te falaoa ma foki ki a te ki lātou; kua vēnā foki ona fai e ia kinā ika.