Ioane 6:70 - Tokelauan New Testament

⁷⁰ Kua tali atu ia Iehu, “Na kō filifilia te koutou toka hefulu lua? Kae ko tētahi o koutou, ko he tiāpolo.”

Ioane 6:70 Referans Kwoze

Ioane 13:27

Ko te taimi na tago ai ia Iuta ki te mea falaoa, ko te taimi foki tēnā na ulu ai ia Hātani ki a te ia. Kua lea atu ki ei ia Iehu, “Fai vave loa tau mea e tatau ke fai!”

Ioane 13:2

I te taimi tēnā ko Iehu ma ona hoko nae fai te lātou katiga o te afiafi. Kua uma ai foki te galuegia e te Tiāpolo te loto o Iuta te ataliki o Himona Ihikaliota, ke fakalata e ia ia Iehu.

Ioane 17:12

Ka koi i ei au ma ki lātou, na puipui malu e au ki lātou i te mana o tō igoa, te igoa na kē tuku maia ki a te au. Na leoleo e au ki lātou, ma e hēki i ei he tino o ki lātou na galo, vaganā ai te tino na tonu lava e galo — kae ke taunuku ai te kupu i te tuhituhiga paia.

Ioane 13:18

“Ko au e hē tautala e uiga ki a te koutou uma; E iloa e au nā tino kua kō filifiliagia. Kae e tatau ke taunuku te tuhituhiga paia e lea mai, ‘Ko te tino na kakai fakatahi ki māua i aku meakai, kua fakahagatau mai ki a te au.’

Ioane 6:64

Kae e i ei nā tino o koutou e hē talitonu.” (Na iloa lava e Iehu i te kāmataga, nā tino e hē talitonu ake ki a te ia, ma te tino e ia fakalatagia ia.)

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

1 Timoteo 3:11

Ko nā āvaga a ki lātou e tatau foki ni tino e āmio lelei ma e hē faitala fakakino; e tatau ke fai fuafua lelei o lātou uiga ma ke fakamāoni i mea uma.

Gāluega 1:17

Ko Iuta nae he hoa e o ki mātou, auā na filifilia ia ke gālulue fakatahi ki mātou.”

Ioane 15:19

Kāfai koutou e o te lalolagi, e alolofa atu foki te lalolagi ki a te koutou, ona ko koutou ni tōtino e o ia. Kae na kō filifiliagia koutou mai te lalolagi, ma ko koutou e hē o te lalolagi; ko te mea ia e inoino atu ai te lalolagi ki a te koutou.

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 13:21

Kua uma te lea atu vēnei o Iehu, oi lagona ai e ia te loto fakanoanoa lahi, ma fai ai tana takutinoga e vēnei, “E takutino atu e au ki a te koutou te meamoni: e i ei te tino o koutou ka ia fakalatagia au.”

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Tito 2:3

Ke vēnā foki oi fakatonu e koe ia fafine mātutua ke vē a lātou āmio ko nā āmio a ni fafine kua ola i he ōlaga kua fakapaiagia. Nahe faitala tau fakakino pe fai ma pologa a te uaina. E tatau ke akoako e ki lātou nā mea e lelei,

Gāluega 13:10

ma lea vē atu ki ei, “Ko koe ko te ataliki o te Tiāpolo! Ko koe ko te fili o nā mea uma e lelei. Ko koe kua tumu i nā itūkāigā togafiti kino uma, ma e taumafai pea lava koe ke fakaliliu te kupu moni a te Aliki ke fai ma kupu pepelo!

Ioane 2:2

ma na valakaulia ai foki ia Iehu ma ona hoko.

Ioane 6:67

Oi fehili ai atu ia Iehu ki te toka hefulu lua, kua vē atu, “Ko koutou — e fia olo kehe foki koutou?”

Ioane 6:71

Ko Iehu nae tautala e uiga ki a Iuta, te ataliki o Himona Ihikaliota. E ui lava ko Iuta ko hētahi o te toka hefulu lua, kae ka fakalata e ia ia Iehu.

Ioane 20:24

Ko tētahi o te kau hoko e toka hefulu lua, ko Toma (e fakaigoa ko te Māhaga), nae hē i ei fakatahi ma ki lātou i te hauga ki ei o Iehu.