Ioane 6:32 - Tokelauan New Testament

³² Oi lea atu ai ia Iehu ki a te ki lātou, “E takutino atu e au ki a te koutou te meamoni, ko te mea na fōki atu e Mohe e hē he falaoa mai te lagi; ko toku Tamana te ia fōki atua te falaoa moni mai te lagi.

Ioane 6:32 Referans Kwoze

Ioane 15:1

Kua toe vāgana atu ia Iehu, “Ko au ko te vine moni, ka ko toku Tamana ko te galue vine.

Ioane 6:58

Tēnei la te falaoa na fanaifo mai te lagi; e hē vē ko te falaoa na kai e nā tupuna o koutou, kae mulimuli ake na feoti. Ko nā tino e kakai ki te falaoa tēnei, ka ola pea lava.”

Kalatia 4:4

Kae i te pa maiga o te taimi tonu na fuafuagia, oi uga mai ai e te Atua tona lava Ataliki. Na fānau mai i he fafine, ma na ola ake i lalo o nā Tūlāfono Iutaia,

Ioane 6:55

Auā ko toku kanofi ko te meakai moni ia, ma toku toto ko te vai inu moni ia.

Ioane 6:50

Ka ko te falaoa e fanaifo mai te lagi, e kehe, ma ko ai lava e kai ki ei, ka hē oti lele.

Ioane 6:41

Oi kāmata ai kua mūimui ia tagata Iutaia e uiga ki a te ia, ona na lea vē, “Ko au ko te falaoa na fanaifo mai te lagi.”

Ioane 6:35

Kua tali mai ia Iehu, “Ko au ko te falaoa o te ola. Ko nā tino e ōmamai ki a te au, e hē toe fia kakaia lele; ko nā tino e talitonu mai ki a te au, e hē toe fia inua lele.

Ioane 6:33

Auā ko te falaoa e fōki atu e te Atua ko ia tēnā e fanaifo mai te lagi ma fōki atu te ola ki te lalolagi.”

Ioane 1:9

Ko te mālamalama moni tēnei — ko te mālamalama e hau ki te lalolagi ma huhulu atu ki tagata uma, kae ke ki lātou kitea ai te meamoni.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Ioane 6:31

Na kakai o mātou tupuna i te mānai i te vao, e vē ona tākua i te tuhituhiga paia, ‘Na fōki e ia ki a te ki lātou nā falaoa mai te lagi ke kai.’ ”