Ioane 6:27 - Tokelauan New Testament

²⁷ Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

Ioane 6:27 Referans Kwoze

Kolohe 3:2

Fakafano pea lava outou māfaufau ki nā mea i te lagi, kae e hē ki nā mea i te lalolagi.

Ioane 6:54

Ko nā tino e kakai ki toku kanofi ma inu ki toku toto, e maua e ki lātou te ola e fakavavau, ma e kō fakatutūa ki lātou ki te ola, i te aho mulimuli.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

Ioane 10:28

E kō fokia ki a te ki lātou te ola e fakavavau, ma ka hē fakaumatiagia lele ki lātou. E hē mafai e he tino oi hamu kehe atu ki lātou mai taku tauhiga.

Ioane 6:51

Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Ioane 17:2

Auā na kē tukua ki ei te pule ke pule ai i tagata uma, kae ke ia mafaia ai oi fōki atu te ola fakavavau, ki a te ki lātou uma na kē filifilia ke mulimuli ki a te ia.

Mataio 6:19

“Nahe fakaputua ni koloa mo koutou i te lalolagi, auā e fakakino e nā mogamoga ma te palatoki, ma oatu nā tino oi kaihohoa.

Ioane 6:58

Tēnei la te falaoa na fanaifo mai te lagi; e hē vē ko te falaoa na kai e nā tupuna o koutou, kae mulimuli ake na feoti. Ko nā tino e kakai ki te falaoa tēnei, ka ola pea lava.”

2 Petelu 1:17

Nae i ei ki mātou i te tuku atuga ki a te ia e te Atua te Tamana, te mamalu ma te vīkiga, i te fanaifoga o te leo ki a te ia mai te Mamalu Hilihilikehe e vē ifo, “Ko toku Ataliki fakapelepele tēnei, e fiafia lahi au ki ei!”

Filipi 2:13

auā ko te Atua e galue pea lava i taimi uma i loto ia te koutou, ke mafai ai ke i ei outou loto ma uhitaki ki te mea e finagalo ia ki ei.

1 Petelu 1:24

E vē oi lea mai te tuhituhiga paia, “Ko tagata ola uma e vē ko te mutia ma ko nā mea uma e takutakua ai ki lātou e vē ko nā tiale o te vao. E mamago te mutia, ma malili ki lalo nā tiale,

Luka 3:22

ma fanaifo ai te Agaga Paia ki ona luga, e vē he tino e o he lupe. Ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

1 Tehalonia 1:3

Auā e manatua e ki mātou i mua o to tātou Atua ma te Tamana, autou gāluega lelei e fai ona ko te koutou talitonu ma te koutou alolofa, ma te tūlaga mautū e i ei te koutou fakatuatua ki te Aliki ko Iehu Keliho.

Kolohe 1:29

Ko tēia e galue mālohi ma tauivi ai nei au, ma fakaaogā e au te mālohi mai ia Keliho, tēia e galue i loto ia te au.

Ioane 3:33

Kae ko ai lava e ia taliagia tana takutinoga, kua ia fakamāonia te moni o te Atua.

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Ioane 6:68

Kua tali mai ia Himona Petelu, “Te Aliki, ko ki mātou e olo ki a te ai? E ia te koe nā kupu e maua ai te ola e fakavavau.

Luka 9:35

Oi fanaifo ai he leo mai te ao, kua vē ifo, “Ko toku Ataliki tēnei, kua kō filifilia — fakalogo ki ei!”

Epelu 12:16

Nahe i ei lele he tino e fai āmio mātagā pe hē fakaaloalo ki nā mea e paia e vē ko Ehau, tē na fakafehuiaki e ia tona tofi ko ia ko te ulumatua, mo he meakai e fokotahi.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Epelu 4:11

Tātou taumafai la ma te fakamākeke ke maua e ki tātou te malōlōga tēnā, kae ke nahe i ei he tino e pakū e vē ko te mea na pa ki lātou ki ei, ona ko to lātou hē fakatuatua.

Kolohe 2:22

Ko nā tūlāfono uma iēnei, e fakatatau ki nā mea kua hē aogā ona kua uma te fakaaogā; ni tūlāfono lava ma ni akoakoga e a te tagata ola kua fai.

1 Kolinito 9:2

Kāfai iētahi tino e manatu ko au e hē he apohitolo, ko te mea hili tēnā e koutou iloa. Ona ko te ōlaga o koutou i te māfutaga ma te Aliki, kua kavea ai koutou ma fakamāoniga ko au ko he apohitolo.

1 Kolinito 6:13

E mafai ke lea vē he tino, “Ko nā meakai e mo te manava, ma ko te manava e mo nā meakai.” Io; kae e fakaumatia e te Atua nā mea uma iēnei e lua. Ko te tino o te tagata e hē fakaaogā mo nā āmioga mātagā, kae e fakaaogā ke tautua ai ki te Aliki; ma e fōki mai e Aliki nā mea e tauhi ai te tino.

Loma 4:11

Ko Apelaamo na fātoā pelitome mulimuli, ma ko tona pelitome na fai ma fakailoga ke fakailoa ai ko tona fakatuatua, te na fakalelei ai e te Atua tona va ma ia. Ko Apelaamo la, ko te tamana fakateagaga ia o ki lātou uma e talitonu ki te Atua, ma kua fakalelei e te Atua to lātou va ma ia, e ui lava ko ki lātou ko hēki pelitomea.

Ioane 15:24

Kana hē kō faia i te mea e i ei ki lātou, nā mea e hēki faia lele e he tino, e vēnei ake e hēki agahala ki lātou. Ka ko te mea kua i ei, kua ki lātou kitea ma kua inoino mai ki a te au fakatahi ma toku Tamana.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 11:42

E iloa e au e kē lagona mai au i taimi uma. Kae ko au kua lea vēnei atu mo nā tino iēnei i kinei, ke mafai ai ki lātou ke talitonu, ko au na kē uga maia.”

Ioane 8:18

E molimau lava au ki a te au, ma ko te Tamana na ia uga maia au, e molimau foki ki a te au.”

Maleko 9:7

Oi hula mai ai he ao ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei — fakalogo ki ei!”

Maleko 1:11

ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Mataio 17:5

Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Mataio 3:17

ma he leo e fanaifo mai te lagi e lea vē, “Ko toku Ataliki pele tēnei e fiafia lahi au ki ei.”

Iakopo 1:11

E oho ake te la ma tona vevela lahi ma mamae ai te lākau; e malili kehe ona tiale ma fakakino ai tona manaia. Ka vēnā foki lava oi fakakino nā tino maukoloa, ka koi fai a lātou hakilikiliga koloa.

2 Kolinito 4:18

Auā ko ki mātou e hē kikila ki nā mea e kitea, kae e kikila ki nā mea e hē kitea. Ko nā mea e kitea e hē tūmau, kae ko nā mea e hē kitea, e tūmau ke pa ki te fakavavau.

Mataio 8:20

Kua tali atu ia Iehu ki a te ia, “E fai ia lua o ālope ma fai ia ōfaga o manulele; kae ko te Ataliki o te Tagata e hēai he mea ke takoto ki ei ke mālōlō ai.”

Mataio 25:46

Ko nā tino la iēnei, ka kave ki te fakahalaga e pa ki te fakavavau, ka ko nā tino āmiotonu ka maua e ki lātou te ola e fakavavau.”

Ioane 3:15

kae ke maua ai e ho he tino e talitonu ki a te ia, te ola e fakavavau.

Ioane 6:47

E takutino atu e au ki a te koutou te meamoni; ko ai lava he tino e talitonu, ka maua e ia te ola e fakavavau.

Ioane 6:53

Oi lea atu ai ia Iehu ki a te ki lātou, “E takutino atu e au ki a te koutou te meamoni; ka hē kakai koutou ki te kanofi o te Ataliki o te Tagata, ma inu ki tona toto, ka hē ia te koutou te ola.

Ioane 6:62

E vēhea nei la kāfai kua koutou kitea atu te Ataliki o te Tagata, kua toe fanake ki luga ki te mea nae i ei ai muamua?