Ioane 5:39 - Tokelauan New Testament

³⁹ E hukehuke koutou ki nā Tuhituhiga Paia ona e vēake koutou, ko te mea ia ka maua ai e koutou te ola e fakavavau. Ko nā Tuhituhiga Paia foki lava iēnei te molimau e uiga ki a te au,

Ioane 5:39 Referans Kwoze

Luka 24:27

Oi fakamālamalama ai ki ei e Iehu nā mea kua tākua i nā Tuhituhiga Paia uma, e uiga ki a te ia, e kāmata mai i nā tuhi a Mohe ma nā tuhituhiga a te kau pelofeta uma.

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Gāluega 17:11

Na hili atu te tali aloakia o ki lāua e nā tino i kinā, i lo nā tino i Tehalonika. Na fakalogologo ki lātou ki te fekau ma te loto naunau lahi, ma nae hukehuke e ki lātou nā Tuhituhiga Paia i aho uma, ke ki lātou iloa ai pe moni te mea e lea ai ia Paulo.

Mataio 22:29

Kua tali atu ia Iehu ki a te ki lātou, “Kai te hehē lele o koutou! E māfua ona e hē koutou iloa nā Tuhituhiga Paia ma te mālohi o te Atua.

Gāluega 13:27

Auā e hēki iloa e nā tino e nonofo i Ieluhalema ma o lātou takitaki, ko Iehu ko te Fakaola, ma e hēki mālamalama foki ki lātou i nā kupu a te kau pelofeta e faitau ki tagata i Hāpati takitahi uma. Ka kua kavea te fakahalagia e ki lātou o Iehu, ma mea kua fakataunuku ai nā kupu a te kau pelofeta.

Ioane 5:46

Kana he mea na talitonu koutou ki a Mohe, na talitonu mai foki koutou ki a te au, auā na tūhia e Mohe e uiga ki a te au.

Loma 3:2

E lahi, kāfai e kikila ki nā itū kehekehe. Muamua, na tuku e te Atua tana fekau ki nā tino Iutaia ke ki lātou taupaua.

Maleko 12:10

E hēki faitau nei koutou ki te tuhituhiga paia e lea mai: ‘Ko te fatu na tīaki e nā faufale e hē aogā, kua kavea ma fatu e pito hili atu ona tāua.

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.

Loma 1:2

Ko te Tala Lelei na folafola e te Atua mai te kāloā e ala i ana pelofeta, e vē oi tūhia i nā Tuhituhiga Paia.

Gāluega 26:27

Akalipa te Tupu, e talitonu koe ki te kau pelofeta? E iloa e au ko koe e talitonu!”

Ioane 7:52

Kua tali mai ki lātou, “Ko koe foki e hau mai Kalilaia ni? Hukehuke ki nā Tuhituhiga Paia, oi kē iloa ai e hēai lele he pelofeta e hau mai Kalilaia.” [

Ioane 5:32

Kae e i ei te tino e molimau e uiga ki a te au, ma e iloa e au ko tana molimau e hako.

Ioane 5:36

Kae e i ei te molimau e uiga kia te au e hili atu i lo te molimau na fai e Ioane: ko nā mea e fai e au, pe ko nā gāluega na tuku mai e toku Tamana ki a te au ke fai, e molimau ki a te au ma fakailoa ai ko te Tamana te na ia uga maia au.

Luka 16:31

Ka kua lea atu ia Apelaamo, ‘Kāfai ka hē fakalogo ki lātou ki a Mohe ma te kau pelofeta, e tuha lava pe i ei he tino e fakatū mai te oti, ka hē mafai lava ki lātou ke talitonu.’ ”

Epelu 11:16

Kae ko te nuku e mokomoko ki ei ko he nuku i te lagi e hili atu te lelei. Ma ko te Atua e hē mā ke takua ia e ki lātou ko to lātou Atua, auā kua uma te ia hāunia o he kakai mo ki lātou.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

Luka 16:29

“Kua tali atu ia Apelaamo, ‘Kua ia te ki lātou ia Mohe ma te kau pelofeta. E tatau nā uho o koe ke fakalogo ki nā mea kua tuhituhia e ki lātou.’

Ioane 1:45

Kua maua e Filipo ia Natanielu, oi lea atu ai ki ei, “Kua maua e ki mātou te tino na lea ai ia Mohe i te tuhi o te Tūlāfono, ma na tākua foki i nā tuhituhiga a te kau pelofeta. Ko Iehu tona igoa, te ataliki o Iohefa mai Nahaleta.”

Epelu 11:35

E ala i te fakatuatua na toe feiloaki ai nā fafine ma nā tino o nā kāiga o ki lātou na feoti kae na toe fakatutū mai te oti. Ko iētahi tino e hēki fofou ko ki lātou ke fakahaoloto, ma na feoti ai i nā fakahāuāga kae ke toe fakatutū ai ki lātou ki he ōlaga e hili atu te lelei.

Luka 24:25

Oi vāgana atu ai ia Iehu ki a te ki lāua, “Kai koutou te vālelea ma tuai talitonu ki nā mea uma na lea ai te kau pelofeta!

Ioane 5:40

kae e hē fia ōmamai lava koutou ki a te au, kae ke koutou maua ai te ola.

Maleko 10:3

Na tali atu ia Iehu i he fehili, kua lea vē atu, “E vēhea te tūlāfono na tuku atu e Mohe ki a te koutou?”