Ioane 5:36 - Tokelauan New Testament

³⁶ Kae e i ei te molimau e uiga kia te au e hili atu i lo te molimau na fai e Ioane: ko nā mea e fai e au, pe ko nā gāluega na tuku mai e toku Tamana ki a te au ke fai, e molimau ki a te au ma fakailoa ai ko te Tamana te na ia uga maia au.

Ioane 5:36 Referans Kwoze

Ioane 10:25

Kua tali atu ia Iehu, “Kua uma toku lea atu ki a te koutou, ka ko koutou e hē fia talitonu mai ki a te au. Ko nā gāluega e kō faia i te igoa o toku Tamana, e molimau ki a te au;

Ioane 15:24

Kana hē kō faia i te mea e i ei ki lātou, nā mea e hēki faia lele e he tino, e vēnei ake e hēki agahala ki lātou. Ka ko te mea kua i ei, kua ki lātou kitea ma kua inoino mai ki a te au fakatahi ma toku Tamana.

Ioane 2:23

Ka koi i Ieluhalema ia Iehu i te taimi o te Kaiga Fakamanatu o te Pāheka, e tokalahi nā tino na talitonu ki a te ia, ona kua ki lātou kiteagia nā fakailoga nae ia faia.

1 Ioane 5:9

E talia e ki tātou te molimau a tagata, kae ko te molimau a te Atua e hili atu lele te mālohi, ma kua molimau ia e uiga ki tona Ataliki.

Ioane 3:2

Kua pa ki tētahi pō, oi fano ai ki a Iehu ma lea vē atu ki ei, “Te Faiakoga, e ki mātou iloa ko koe he faiakoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e i ei fakatahi ma ia.”

Ioane 3:17

Auā e hēki uga maia e te Atua tona Ataliki ke fakamahino ia tagata o te lalolagi, kae na uga mai ke fakaola, e ala ia te ia.

Mataio 11:4

Kua tali mai ia Iehu, “Olo oi taku ki a Ioane nā mea e koutou lagona e tautatala ai ia tagata ma nā mea e kitea i outou mata:

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Ioane 5:32

Kae e i ei te tino e molimau e uiga ki a te au, ma e iloa e au ko tana molimau e hako.

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Ioane 17:4

Kua uma te fakailoa e au o te mamalu o koe ki te lalolagi; kua uma te fakataunuku e au o nā gāluega na tuku mai e koe ki a te au ke fai.

Ioane 11:37

Kae ko iētahi tino kua lea vē, “Na fakapupula e ia nā mata o te tāuaho. He ā la te hēki ia mafaia ai oi puipuia ia Lahalo ke nahe oti?”

Luka 2:49

Ka kua vē atu ki ei tana tali, “He ā te na hakili ai au e koulua? E hē koulua iloa ko au e tatau ke i te fale o toku Tamana?”