Ioane 4:32 - Tokelauan New Testament

³² Kae kua tali mai ia Iehu, “E i ei nā meakai a āku e hē koutou iloa he mea e fokotahi e uiga ki ei.”

Ioane 4:32 Referans Kwoze

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Fakaaliga 2:17

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō fōkia ki ei he vāega o nā mānai nae mumuni. Ka kō fōkia foki ki a te ki lātou tau tokatahi, he fatu paepae e tūhia i luga he igoa fou e hē iloa e he tino, vaganā ai te tino e fōki e au ki ei.

Gāluega 20:35

Kua fakahino atu e au ki a te koutou i aku mea uma e fai, ko te galue mālohi e vē ona galue ai au, e mafai ai e ki tātou ke fehoahoani ki te tino faitauale, ma manatua ai nā kupu na vāgana ai te Aliki ko Iehu e vē, ‘E lahi atu te manuia o te tino e ia fōkia, i lo te tino e ia taliagia’ ”

Ioane 4:31

I te taimi tēnā, ko Iehu e tauanau e ona hoko, e lea vē ki ei, “Te Faiakoga, kai ko hau mea!”

Ioane 4:33

Oi fakataufai ai te kau hoko, ma fehili vē tētahi ki tētahi, “Na kave nei ki ei hana meakai e he tino?”