Ioane 4:19 - Tokelauan New Testament

¹⁹ Kua lea atu te fafine, “Te aliki, ko taku kikila atu, ko koe ko he pelofeta.

Ioane 4:19 Referans Kwoze

Ioane 6:14

I te kiteaga e nā tino te fakailoga na fai e Iehu, oi lea vē ai ki lātou, “E hako lava ko te Pelofeta tēnei na tuku e hau ki te lalolagi!”

Luka 7:39

I te kitea atuga e te Falehaio o te mea tēnei, oi lea vē ifo ai i tona loto, “Kāfai e moni ko te tagata tēnei he pelofeta, kua tatau ke ia iloa pe ko ai te fafine tēnei, kae pe he itūkāigā fafine vēhea foki tēia e pa ake ki a te ia; kua tatau ke ia iloa ko te fafine e ola i he ōlaga agahala!”

Ioane 9:17

Oi toe fehili ai foki te kau Falehaio ki te tamāloa, “He ā hau fakamatalaga e mafai ke fai e uiga ki te tino e lea koe na ia fakapupulagia ō mata?” “Ko te tino ko he pelofeta,” kua tali atu te tamāloa.

Luka 7:16

Na mātataku uma lele ki lātou, ma viviki ake ai ki te Atua. Kua lea vē ki lātou, “Ko he pelofeta tāua tēnei kua kikila ki tātou ki ei! Ko te Atua kua hau ke fakaola ona tagata!”

Ioane 7:40

Ko iētahi tino i te kaifenua na ki lātou lagona nā kupu tēnei a Iehu, kua lea vē, “E hako lava ko te tagata tēnei ko te Pelofeta!”

Mataio 21:11

“Ko te pelofeta tēnei ko Iehu, mai Nahaleta i Kalilaia,” kua tali vē mai te kaifenua na ōmamai fakatahi ma Iehu.

Luka 24:19

Kua fehili atu ia Iehu, “Ni mea ā?” Kua tali atu ki lāua, “Na mea na tutupu ki a Iehu te Nahaleta. Na kitea i ana mea nae fai, ma ana kupu, ko ia ko he pelofeta e tūkehe te mālohi, ma nae fiafia ki ei te Atua ma tagata uma.

Ioane 4:29

“Ōmamai oi kikila ki te tamāloa na ia taku maia ki a te au, nā mea uma lele a āku na fai. E hē ko ia nei te Mehia?”

Ioane 4:18

Kua toka lima ia tamāloa e āvaga koe ki ei, ma ko te tamāloa e nonofo nei koulua, e hē ko he āvaga moni e a koe. Kua taku mai e koe te meamoni.”