Ioane 3:6 - Tokelauan New Testament

⁶ E fānanau e tagata ola a lātou fānau. Kae nā ko te Agaga oioti te ia mafaia oi hūia koutou, ke kavea ma fānau a te Atua.

Ioane 3:6 Referans Kwoze

2 Kolinito 5:17

Ho he tino kua ia te ia te hokotaga ma Keliho, ko he tino fou ia; kua teka atu te mea tuai, kae kua hau te mea fou.

1 Ioane 3:9

Ko nā fānau a te Atua e hē ki lātou faia pea lava te agahala, auā ko te natula o te Atua ei loto ia te ki lātou; ma e ona ko te Atua ko to lātou Tamana, e hē mafai ai ki lātou ke agahala pea lava.

1 Kolinito 6:17

Kae ko ai lava e ia tuku fakatahia tona tino ma te Aliki, ka tahi ki lāua ma te Aliki i te fakateagaga.

Loma 7:18

E iloa e au e hēai he mea lelei e nofo i loto ia te au — i toku natula fakatetagata. Auā e ui lava ko te loto naunau ke fai te mea e lelei e ia te au, kae e hē kō mafaia oi fai.

Loma 8:13

Auā kāfai koutou e ola e tuha ai ma te fakatetagata, ko koutou la ka pa ki te oti; kae kāfai i te fehoahoani a te Agaga e fakaumatia e koutou outou uiga kino, ko koutou ka ola.

Efeho 2:3

Ko te mea moni lava, ko ki tātou uma lele nae vē foki lava ko ki lātou. Ko ki tātou nae ola e tuha ai ma o tātou manakoga fakatetagata, ma nae mulimuli ki ho he mea e nanau ki ei o tātou tino ma o tātou māfaufau. I to tātou natula tēnei, ko ki tātou e vē foki lava ko iētahi tino uma lele, na tuku e pa ki ei te tōkahā o te Atua.

Kolohe 2:11

I te māfutaga fakatahi a koutou ma Keliho, ko koutou na pelitome, e hē i te pelitome fakatetagata, kae i te pelitome na fai e Keliho, tēia e aofia ai te fakahaolotoga o ki tātou mai te pule a o tātou lava tino agahala.

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Ioane 1:13

E hēki kavea ki lātou ma fānau a te Atua, e vē ko te tūlaga māhani fakatetagata, e fānanau mai ni fānau e a he tamana; kae ko te Atua lava ia, ko to lātou Tamana.

Loma 7:5

Auā i te taimi nae ola ai ki tātou e tuha ai ma o tātou natula fakatetagata, ko nā tuinanauga kino na fakaohofia e te Tūlāfono nae galue i loto o ki tātou, ke maua ai ni fua mo te oti.

Loma 7:25

Tātou fakafetai ki te Atua, tē e ia faia te mea tēnei e ala ia Iehu Keliho! Ko tēnei la te tūlaga e i ei au: ko au e tautua ki te Tūlāfono a te Atua i toku māfaufau oioti, kae e tautua toku natula fakatetagata ki te tūlāfono e iku ki te agahala.

Ioane 3:7

Koe la nā teki auā ia au e lea atu, ko koutou e tatau ke toe fānau fougia.