Ioane 3:33 - Tokelauan New Testament

³³ Kae ko ai lava e ia taliagia tana takutinoga, kua ia fakamāonia te moni o te Atua.

Ioane 3:33 Referans Kwoze

Epelu 6:17

Mo nā tino ka ki lātou mauagia nā mea kua uma te folafolagia, e fofou te Atua ke iloa e ki lātou ko tana folafolaga e hē hūia lele; ma ko te mea ia na fakaopoopo ai e ia tana tautōga ki tana folafolaga.

Efeho 1:13

Ma ko koutou foki na kavea ma tagata o te Atua i te lagonaga e koutou te kupu moni — te Tala Lelei na maua ai e koutou te fakaolataga. Ko koutou kua talitonu ki a Keliho, ma kua tuku e te Atua ki outou luga tana fakailoga e iloa ai ko koutou e a ia, e ala i te Agaga Paia kua fōki atu e ia ki a te koutou, e vē oi folafola e ia.

2 Kolinito 1:22

ma tuku maia tana fakailoga ki o mā luga, ke iloa ai ko ki māua e a ia, ma na ia tuku maia te Agaga Paia ki o mā loto, ke fakamāonia ai nā mea uma lele kua ia hāunia mo ki māua.

2 Kolinito 1:18

E molimau te Atua fakamāoni, ko taku folafolaga na fai atu ki a te koutou, e hē he “Io” pe he “Hēai.”

Ioane 6:27

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

Ioane 8:26

E lahi lele nā mea e tatau ke tautala ai au e uiga kia te koutou, e lahi nā mea e fakahalagia ai koutou. Kae ko tē na ia uga maia au e fakamāoni lava ia, ma e kō fakailoa oioti ki tagata o te tēnei lalolagi, nā mea na kō lagona mai ia te ia.”

Loma 4:11

Ko Apelaamo na fātoā pelitome mulimuli, ma ko tona pelitome na fai ma fakailoga ke fakailoa ai ko tona fakatuatua, te na fakalelei ai e te Atua tona va ma ia. Ko Apelaamo la, ko te tamana fakateagaga ia o ki lātou uma e talitonu ki te Atua, ma kua fakalelei e te Atua to lātou va ma ia, e ui lava ko ki lātou ko hēki pelitomea.

Loma 15:28

Ka uma te kō faia o te mea tēnei ma tuku atu ki a te ki lātou nā tupe uma na ao mo ki lātou, oi fano ai au ki Hepania ma afe atu ki a te koutou i toku auala ki ei.

1 Kolinito 9:2

Kāfai iētahi tino e manatu ko au e hē he apohitolo, ko te mea hili tēnā e koutou iloa. Ona ko te ōlaga o koutou i te māfutaga ma te Aliki, kua kavea ai koutou ma fakamāoniga ko au ko he apohitolo.

Efeho 4:30

Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka i ei te Aho ka fakahaoloto ai koutou e te Atua.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

1 Ioane 1:10

Kāfai ki mātou ka lea ko ki mātou e hēki agahala, ka taku pepelogia e ki mātou te Atua, ma ko tana kupu e hē i loto ia te ki mātou.