Ioane 3:2 - Tokelauan New Testament

² Kua pa ki tētahi pō, oi fano ai ki a Iehu ma lea vē atu ki ei, “Te Faiakoga, e ki mātou iloa ko koe he faiakoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e i ei fakatahi ma ia.”

Ioane 3:2 Referans Kwoze

Ioane 5:36

Kae e i ei te molimau e uiga kia te au e hili atu i lo te molimau na fai e Ioane: ko nā mea e fai e au, pe ko nā gāluega na tuku mai e toku Tamana ki a te au ke fai, e molimau ki a te au ma fakailoa ai ko te Tamana te na ia uga maia au.

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Ioane 9:16

Ko iētahi o te kau Falehaio kua lea vē, “Ko te tino na ia faia te mea tēnei e hē he tino e hau mai te Atua, auā kua hē uhitaki ki te tūlāfono e uiga ki te Hāpati.” Ka ko iētahi kua lea vē, “E vēhea ona mafai e he tino agahala oi fai ni fakailoga vēnei?” Oi na i ei ai he fekehekeheakiga ia te ki lātou.

Ioane 12:37

E ui na ia faia nā fakailoga uma iēnei i mua o tagata, e hēki talitonu ki lātou ki a te ia,

Ioane 1:38

Kua fāliu mai ki tua ia Iehu, oi kitea ai e ia te toka lua e mulimuli ake ki a te ia, oi fehili atu ai ki ei, “He ā ta koulua e hakili?” Kua tali mai ki lāua, “Lāpi, ko koe e nofo i fea?” (Ko te uiga o te kupu tēnei, “Te Faiakoga.”)

Mataio 22:16

Oi uga ai e ki lātou ki a Iehu ni tino o nā hoko o ki lātou fakatahi ma ni tino o te vāega e kau ki a Helota. Kua fehili atu ki lātou iēnei ki a Iehu, “Te Faiakoga, e iloa e ki mātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe.

Ioane 7:31

Kae e tokalahi nā tino i te kaifenua kua talitonu ki a te ia ma lea vē, “Kāfai te Mehia e hau, ei na ka lahi atu nei nā fakailoga e ia faia i lo te tagata tēnei?”

Ioane 20:16

Kua vāgana atu ia Iehu ki a te ia, “Malia!” Kua fakahaga tonu atu ia Malia ki a te ia ma lea vē atu ki ei i te gagana Epelu, “Lāponi.” (Ko tona uiga “Te Faiakoga.”)

Ioane 15:24

Kana hē kō faia i te mea e i ei ki lātou, nā mea e hēki faia lele e he tino, e vēnei ake e hēki agahala ki lātou. Ka ko te mea kua i ei, kua ki lātou kitea ma kua inoino mai ki a te au fakatahi ma toku Tamana.

Ioane 3:26

Oi olo ai ki a Ioane ma lea vē atu ki ei, “Te Faiakoga, e kē iloa te tino nae fakatahi koulua i te itū ki hahae o te Iolitana, tēia na molimau koe e uiga ki ei? E fai nei tana papatihoga, ma kua gāholo uma atu ki ei ia tagata.”

Maleko 12:14

Kua lea vē atu ki lātou ki a Iehu, “Te Faiakoga, e iloa e ki mātou ko koe e tautala i te meamoni, e aunoa ma he popole pe vēhea ake ia manatu o tagata. E hē kē amanakia he tino ona ko hona tūlaga, kae e akoako lava e koe te meamoni e uiga ki te finagalo o te Atua mo tagata. Lea mai ake, e fakataga i te tātou Tūlāfono ke totogi nā lāfoga ki a Kaihala? E tatau nei ke totogi e ki tātou pe hēai?”

Filipi 1:14

Kua kavea toku i te falepuipui ma mea e mautū ai te talitonu o te tokalahi o te kau uho Kelihiano ki te Aliki, ma ka ātili tupu ai pea to lātou fakamālohi ki te tālakiga o te fekau e aunoa ma he mataku.

Mataio 23:7

e fofou foki ke fakafeiloaki aloakia ake ki lātou e tagata i nā māketi, ma ke takua ki lātou ni ‘Faiakoga.’

Mataio 23:8

Kae ko koutou e hē takua lele ni ‘Faiakoga,’ auā e tutuha uma koutou, ma e fokotahi oioti lava te koutou Faiakoga.

Ioane 2:11

Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai ki a te ia ona hoko.

Ioane 4:31

I te taimi tēnā, ko Iehu e tauanau e ona hoko, e lea vē ki ei, “Te Faiakoga, kai ko hau mea!”

Ioane 6:2

E tokalahi te kaifenua kua mulimuli atu ki a te ia, ona na kitea e ki lātou nā fakailoga na ia faia na fakamālōlō ai nā tauale.

Ioane 10:38

Kae kāfai e fai e au nā mea iēnei, e ui lava ko koutou e hē talitonu mai ki a te au, kae e tatau lava ke talitonu koutou ki nā gāluega na fai e au, kae ke koutou iloa ai ma te mautinoa, ko te Tamana e ia te au, ma ko au e i te Tamana.”

Ioane 14:10

Ko koe e hē talitonu ko au e tahi i te Tamana ma ko te Tamana e tahi ia te au?” Oi vāgana atu ai ia Iehu ki ona hoko, “Ko nā kupu e tautala atu ai au ki a te koutou e hē mai ia te au. Ka ko te Tamana tē e tūmau ia te au, e fai lava e ia ana gāluega.