Ioane 3:19 - Tokelauan New Testament

¹⁹ Ko tēnei la te fakamahinoga: kua hau te mālamalama ki te lalolagi, kae ko tagata e fiafia ki te pōuli i lo te mālamalama, auā ko a lātou āmio e kino.

Ioane 3:19 Referans Kwoze

Ioane 8:12

Kua toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko te tino e mulimuli mai ki a te au, ka hē havali lele i te pōuli, kae ka maua e ia te mālamalama e takitakia ai ki te ola moni.”

2 Tehalonia 2:12

Ko te ikuga la, ko ki lātou uma e hē talitonu ki te fekau moni e uiga ki to tātou Aliki kae fiafia oi fai te agahala, ka fakahalagia.

Loma 2:8

Kae ka fakaalia tona ita ma tona tōkahā ki a te ki lātou e manatu fakapito ma teteke ki te mea e hako, kae ke mulimuli ai pea ki lātou ki te mea e hehē.

Ioane 12:43

E hili atu to lātou fiafia ke maua ni o lātou vīkiga mai tagata i lo ni o lātou vīkiga mai te Atua.

Loma 1:32

E ki lātou iloa te tūlāfono a te Atua e lea mai ko nā tino e ola i he ōlaga vēnei e tatau ke oti. Kae kua hē gata i te haga fai pea e ki lātou o nā mea iēnei, kae e fiafia foki kinā tino e ki lātou faia nā uiga iēnei.

Ioane 5:44

E fofou koutou ke maua ni vīkiga o tētahi mai tētahi, kae e hē taumafai lele koutou ke koutou maua te vīkiga, e nā ko te Atua lava oioti te maua mai ai. E mafai vēhea la ke talitonu mai koutou ki a te au?

2 Petelu 3:3

Ko te mea muamua, e tatau koutou ke mālamalama e i ei nā tino e pūlea e o lātou lava tuinanauga kino, ka ōmamai ki a te koutou i nā toe aho. Ka fakatauemu atu ki a te koutou

Ioane 1:4

Ko te Kupu ko te puna o te ola, ma ko te ola tēnei na kaumaia te mālamalama ki tagata.

Luka 12:47

“Ko te kaukauna kua ia iloa te mea e fofou ki ei tona matai, kae hē nofo hāuni ki ei, pe ia fakatinoagia te finagalo o tona matai, ka kini lahi lele.

1 Petelu 2:8

E lea mai foki tētahi tuhituhiga paia, “Ko te fatu tēnei ka tū inoino ai ia tagata, te papa ka hīhīga ki lātou ki luga.” Na tū inoino ki lātou auā e hēki talitonu ki lātou ki te kupu, ma ko fuafuaga lava a te Atua ke vēnei te mea e pa ki lātou ki ei.

Ioane 7:7

Ko te lalolagi e hē inoino atu ki a te koutou, kae e inoino mai ki a te au, auā ko au e molimau ki te kino o ana gāluega e fai.

Ioane 7:17

Ko ai lava e fiafia oi fai te mea e fofou ki ei te Atua, ka ia iloa pe ko taku akoakoga e hau mai te Atua, pe hau lava i taku pule.

Luka 16:14

I te lagona atuga o nā mea uma iēnei e te kau Falehaio, oi fai ai a lātou kupu fakatauemu ki a Iehu, auā ko ki lātou ni tino e fiafia ki nā tupe.

Ioane 1:5

Ko te mālamalama e huhulu i loto te pōuliuli, ma e hēki mafai lele e te pōuliuli oi tāmate.

Ioane 9:5

Ka koi i te lalolagi au, ko au ko te mālamalama o te lalolagi.”

Ioane 12:31

Ko tēnei te taimi e fakamahino ai te lalolagi; ko tēnei te taimi e fakatōkilalo ai te pule o tēnei lalolagi.

Ioane 12:46

Ko au kua hau ki te lalolagi e vē he mālamalama, kae ke nahe tūmau ai i te pōuli, ki lātou uma e talitonu mai ki a te au.