Ioane 3:16 - Tokelauan New Testament

¹⁶ Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 3:16 Referans Kwoze

Loma 5:8

Ka kua fakaalia e te Atua tona alofa ki a te ki tātou — ko te taimi ka koi i te agahala ai ki tātou, na oti ai ia Keliho mo ki tātou.

Ioane 3:15

kae ke maua ai e ho he tino e talitonu ki a te ia, te ola e fakavavau.

Loma 8:32

E hēki tāofia e te Atua tona lava Ataliki, kae na tukulima mai e ia mo ki tātou uma — ka hē ia tukulima maia nei foki la mo ki tātou nā mea uma?

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

Ioane 3:36

Ko ai lava e talitonu ki te Ataliki, e ia maua te ola e fakavavau; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.

1 Ioane 4:19

Ko ki tātou e alolofa auā ko te Atua na alofa muamua mai ki a te ki tātou.

Ioane 10:28

E kō fokia ki a te ki lātou te ola e fakavavau, ma ka hē fakaumatiagia lele ki lātou. E hē mafai e he tino oi hamu kehe atu ki lātou mai taku tauhiga.

Loma 5:10

Ko ki tātou nae fili ki te Atua, kae na ia faia ki tātou ma ana uō, e ala i te oti o tona Ataliki. Nei la ko ki tātou ni uō e a te Atua, ka hē hili atu nei la te mautinoa ko ki tātou ka fakahao e ala i te ola o Keliho?

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

2 Tehalonia 2:16

Ke fōki mai ki a te ki tātou i te alofa tūnoa o to tātou Aliki ko Iehu Keliho ma te Atua to tātou Tamana, tē e alofa mai ki a te ki tātou, te fakamāfanafanaga tūmau ma te fakamoemoe mautū,

Efeho 2:4

Kae ko te Atua e tumu i te alofa fakahao, ma ko te tūkehe o te lahi o tona alofa mo ki tātou,

Mataio 9:13

Olo oi hakilikili te uiga o te kupu a te Atua i te tuhituhiga paia e vē mai, ‘Ko te mea e fofou au ki ei, ko koutou ke agalelei tētahi ki tētahi, kae e hē ko autou tāulaga mu e fai mai ki a te au i nā manuvaefa.’ Ko au e hēki hau ke kalaga ki nā tino e fakaaloalogia, kae ki nā tino e inohia e tagata.”

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Tito 3:4

Kae kua fakaali mai e te Atua to tātou Fakaola tona agalelei ma tona alofa,

Ioane 1:18

E hēai he tino na kua ia kitea te Atua. Ka ko te Ataliki e tokatahi e nofo i tafa o te Tamana, ko ia te kua ia fakailoa maia te Atua.

Maleko 12:6

Ko toe tahi lava te tino koi totoe e mafai ke uga, ko tona ataliki fakapelepele. Mulimuli ake, oi uga ai e ia tona ataliki ki nā nofolihi. Kua vē ake tana kupu, ‘E talitonu au ka amanakia e ki lātou toku ataliki.’

Luka 2:14

“Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Ioane 3:18

Ko nā tino e talitonu ki te Ataliki, e hē fakamahinoa; ka ko nā tino e hē talitonu, kua uma to lātou fakamahinoga, auā kua hē talitonu ki lātou ki te Ataliki e tokatahi o te Atua.

Epelu 2:9

Kae kua ki tātou kitea ia Iehu, tē na fakamaulalogia i lo nā agelu mo hina taimi, kae ke oti ai ia e ala i te alofa tūnoa o te Atua, mo tagata uma lele. I te taimi nei la, kua kitea e ki tātou ko Iehu kua fakapalegia i te paia ma te mamalu, ona ko tona onohai i nā puapuagā na pa ia ki ei i tona mate.

1 Ioane 3:1

Kikila ki te lahi lele o te alofa o te Tamana ki a te ki tātou! Ko te lahi o tona alofa kua takua ai ki tātou ni fānau e a te Atua — ma e moni lava te mea tēnei. Ko te mea ia e hē iloa ai e te lalolagi ki tātou, ona e hē ki lātou iloa te Atua.