Ioane 20:16 - Tokelauan New Testament

¹⁶ Kua vāgana atu ia Iehu ki a te ia, “Malia!” Kua fakahaga tonu atu ia Malia ki a te ia ma lea vē atu ki ei i te gagana Epelu, “Lāponi.” (Ko tona uiga “Te Faiakoga.”)

Ioane 20:16 Referans Kwoze

Ioane 10:3

E tatala ki a te ia te faitotoka e te leoleo faitotoka, ma e lagona e nā māmoe tona leo. E kalaga ki ana māmoe i o lātou igoa, ma e ia takitakia ki lātou ki fafo.

Ioane 1:38

Kua fāliu mai ki tua ia Iehu, oi kitea ai e ia te toka lua e mulimuli ake ki a te ia, oi fehili atu ai ki ei, “He ā ta koulua e hakili?” Kua tali mai ki lāua, “Lāpi, ko koe e nofo i fea?” (Ko te uiga o te kupu tēnei, “Te Faiakoga.”)

Gāluega 10:3

E tuha ko te tolu i te afiafi kae ia kitea manino i he fakaaliga, he agelu a te Atua kua ulu mai ki te fale oi lea vē ake ki a te ia, “Konelio!”

Gāluega 9:4

Na pakū ia Haulo ki lalo ma na ia lagona atu ai he leo e lea vē ake ki a te ia, “Haulo, Haulo! He ā te kua fakahāuā mai ai koe ki a te au?”

Ioane 6:25

I te maua atuga e ki lātou o Iehu i tētahi itū o te vaitūloto, oi lea vē atu ai ki ei, “Te Faiakoga, ko koe na hau anafea ki kinei?”

Ioane 20:28

Kua tali atu ia Toma ki a te ia, “Toku Aliki ma toku Atua!”

Ioane 13:13

Ko au e fakaigoa e koutou ko te Faiakoga ma ko te Aliki, ma e hako lava koutou, auā ko tēnā lava au.

Ioane 11:28

Kua uma te lea vēnā o Mafa, oi toe liliu ai ki tona uho ko Malia, ma lea mālie atu ki ei, “Ko te Faiakoga kua i kinei, ma e fia kikila ki a te koe.”

Ioane 5:2

I tafa o te faitotoka e igoa ko te Faitotoka o Māmoe i Ieluhalema, e i ei te vaitākele e lima ona poletito; ko Peteha tona igoa i te gagana Epelu.

Ioane 3:2

Kua pa ki tētahi pō, oi fano ai ki a Iehu ma lea vē atu ki ei, “Te Faiakoga, e ki mātou iloa ko koe he faiakoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e i ei fakatahi ma ia.”

Ioane 1:49

“Te Faiakoga,” kua tali atu ia Natanielu, “ko koe ko te Ataliki o te Atua! Ko koe ko te Tupu o Ihalaelu!”

Luka 10:41

Kua tali atu ki ei te Aliki, “Mafa, Mafa! Te lahi o nā mea e fakaatu ma popole koe ki ei,

Mataio 14:27

I te taimi lava tēnā, na vāgana mai ai ia Iehu ki a te ki lātou, kua vē mai, “Fakamākeke! Ko au tēnei. Koutou nahe mātataku!”

Maleko 10:51

Kua fehili atu ia Iehu, “He ā te fofou koe ke kō faia mo koe?” Kua tali mai ia, “Te Faiakoga, ko au e fofou ke toe pupula oku mata.”