Ioane 2:6 - Tokelauan New Testament

⁶ E ono ia hioki tukuvai lalahi e gaohia i te fatu nae fakatutū i kinā, ona ko te tū a Iutaia e uiga ki te fakamamāgia. Ko te hioki tukuvai e fokotahi, e tuha ma te helau lita e tumu ai.

Ioane 2:6 Referans Kwoze

Ioane 3:25

Ko iētahi hoko o Ioane, kua kāmata oi fai fīnauga ma he tino Iutaia e uiga ki te fakamamāgia.

Epelu 9:10

ona ko nā mea iēnei ni mea tau meakai, meainu, ma nā faiga kehekehe e mafai ai ia tagata ke fakamamāgia. Ko nā mea uma iēnei ni tūlāfono mo te kikila atu i fafo, e fakaaogā oioti ke pa ki te taimi e hui ai e te Atua i ni mea fou e hili atu te lelei.

Efeho 5:26

Na ia faia te mea tēnei ke fakapaia ai te Ekalehia mo te Atua e ala i tana kupu (ka kua uma ai te fakamamāgia e ia i te vai),

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 9:19

Muamua, na folafola e Mohe ki tagata nā fakatonuga uma e vē ona tūhia i te Tūlāfono. Oi kave ai e ia te toto o nā povi ma nā oti, kua palu ki ei nā vai, oi lūlū ai ki luga o te tuhi o te Tūlāfono ma luga o tagata. Na fakaaogā e ia he tamā lālā mai te lākau e igoa ko te īhopo, ma ni vavae lanu kukula ke fai ai te mea tēnei.

Epelu 6:2

Ma e hē tatau ke haga akoako pea e ki tātou e uiga ki nā papatihoga, te tuku o nā lima ki luga o he tino ke fakamanuia; te toe fakatutū o tagata mai te oti ma te fakamahinoga a te Atua e hēai he gataaga.

Luka 16:6

Kua tali mai te tino, ‘E helau ia kālone lolo ōlive.’ Oi lea atu ai ki ei te kaukauna pule, ‘Tēia la tau pili, nofo ki lalo oi tuhi fakavave ki ei he limahefulu kālone.’

Ioane 2:7

Kua vāgana atu ia Iehu ki nā kaukauna, “Fakatūtumu nā hioki iēnei i te vai.” Kua fakatūtumu e ki lātou nā hioki tukuvai, kua pa lele ake ki nā kaugutu.