Ioane 19:4 - Tokelauan New Testament

⁴ Kua toe fano ia Pilato ki fafo ma lea vē atu ki tagata Iutaia, “Kikila, ka fakatonu e au ke kaumai ia Iehu ki fafo ki a te koutou, ke iloa ai e koutou, e hēai he mea e kitea e au e tatau ai ke fakahala.”

Ioane 19:4 Referans Kwoze

Ioane 19:6

I te kitea atuga o Iehu e nā ohitāulaga hili ma nā leoleo o te Mālumalu, oi taukalalaga ai, “Fakahātaulo te tino tēnā! Fakahātaulo te tino tēnā!” Kua lea atu ia Pilato ki a te ki lātou, “Kave lava la e koutou oi fakahātaulo, auā e hēai he mea e kitea e au e tatau ai ke fakahala.”

Ioane 18:38

“He ā te meamoni?” kua fehili atu ki ei ia Pilato. Oi toe fano ai ia Pilato ki fafo kinā tino Iutaia, ma lea vē atu ki ei, “E hēai he mea e kō kitea, e tatau ke fakahala ai te tino tēnei.

Luka 23:4

Oi lea atu ai ia Pilato ki nā ohitāulaga hili ma te kaifenua, “E hēai he mea e kō kitea e tatau ai ke fakahala te tino tēnei.”

Luka 23:47

Kua kitea atu e te takitakikau o te toka helau te mea kua tupu, oi viviki ake ai ki te Atua, ma lea vē, “E hako lava, ko te tino tēnei e hēai hana holitūlāfono!”

1 Ioane 3:5

E iloa e koutou ko Keliho na hau ke kave kehe nā agahala, ma e hēai lele hana agahala.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

1 Petelu 2:22

E hēki i ei hana agahala, ma e hēki fakalogo lele he tino ki he kupu pepelo e hau mai tona gutu.

1 Petelu 1:19

kae ko te toto tāua o Keliho, e vē ko te toto o he punuamāmoe e hēai lele hona māila pe he mea e fakahētonu ai.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Luka 23:41

Kae ko te fakahalaga o ki tāua e hako, auā kua maua lava e ki tāua te taui o a tā mea na fai; kae ko ia tēnei, e hēki i ei hana mea hehē na fai.”

Mataio 27:54

I te kiteaga e te takitakikau o te toka helau fakatahi ma nā fitafita nae ki lātou leoleoa ia Iehu, te mafuie ma iētahi mea na tutupu, oi na ofo lele ai ki lātou ma lea vē, “E hako lava, ko ia tēnei ko te Ataliki o te Atua.”

Mataio 27:24

I te kiteaga e Pilato kua hē aogā ke fakaauau pea, ona ko tagata kua tau hē mafai ke tāofiofi, oi tago ai ki nā vai kua fafano ai ona lima i mua o te kaifenua ma lea vē atu, “E mamā au ma te toto o te tagata tēnei! E a koutou lava te mea tēnei!”

Mataio 27:19

Ka koi nofo ia Pilato ma māfaufau ki hana fakaikuga, kae kaumai ki ei te faifekau mai tana āvaga: “Nahe i ei lele hau mea e fai ki te tino tēnā e hēai hana agahala, auā ko au na puapuagā lele i taku miti na fai i te pō, e uiga ki a te ia.”

Mataio 27:4

Kua lea vē atu ia Iuta, “Ko au kua agahala ona kua kō fakalatagia he tino e hēai hana agahala, ma ka oti tauanoa ai ia.” Kua tali mai ki lātou, “E hēai lele he mātou fekau ki ei. Faitalia lava koe ma te mea tēnā.”

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

Ioane 18:33

Kua toe fano ia Pilato ki loto o tona fale ma fakatonu ke kaumai ia Iehu. Oi fehili vē atu ai ki ei, “Ko koe moni ko te Tupu o tagata Iutaia?”