Ioane 19:28 - Tokelauan New Testament

²⁸ Kua iloa e Iehu kua uma te fakataunuku e ia o nā mea uma lele; ma kae ke taunuku ai te kupu a te tuhituhiga paia, na lea vē ai, “Ko au e fia inu.”

Ioane 19:28 Referans Kwoze

Ioane 19:30

Kua inu e Iehu te uaina, oi vē ake ai tana kupu, “Kua taunuku!” Oi fakagaugau ifo ai ki lalo tona ulu, oi to ai loa tana mānava.

Luka 22:37

Auā e lea atu au ki a te koutou, ko te tuhituhiga paia e lea mai, ‘Na faitau fakatahi ia ma nā tino holi tūlāfono,’ e tatau ke taunuku ki a te au, auā ko te mea tēnei na tūhia e uiga ki a te au, e taunuku lava.”

Ioane 19:24

Kua lea atu tētahi fitafita ki tētahi, “Nahe hahaea te kofu, kae fai he tātou vili pe ko ai te tino ka kave mo ia.” Na tupu te mea tēnei, kae ke taunuku ai te mea e lea mai ai te tuhituhiga paia: “Na tufa e ki lātou oku kofu mo ki lātou ma fai te lātou vili pe ko ai te ia kavea toku kofu tatao.” Ma ko te mea tēnei na fai e nā fitafita.

Luka 18:31

Oi tataki kehe ai e Iehu ona hoko, ma lea vē atu ki ei, “Kikila, ko ki tātou ka olo ki Ieluhalema, te mea ka fakataunuku ai nā mea uma lele na tūhia e te kau pelofeta e uiga ki te Ataliki o te Tagata.

Ioane 18:4

Kua uma te iloa e Iehu o nā mea uma ka pa ia ki ei, oi hau ai ki mua, ma lea vē atu ki a te ki lātou, “Ko ai ta koutou e hakili?”

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Gāluega 13:29

Ma ina kua uma te fakataunuku e ki lātou o nā mea uma e lea mai ai nā Tuhituhiga Paia e uiga ki a Iehu, oi tuku ifo ai e ki lātou tona tino ki lalo mai te hātaulo, ma tuku ai ki loto o he tugamau.

Luka 9:31

kua fakaali mai o lā tino i te mamalu fakatelagi, ma e faitatala ma Iehu e uiga ki te auala ka ia fakataunukua ai te fuafuaga a te Atua, e ala i te mate o ia, i Ieluhalema.

Luka 12:50

E i ei te papatihoga e papatiho ai au, ma ka popole pea lava toku loto ke pa ki te taimi e fakataunuku ai!

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Ioane 17:4

Kua uma te fakailoa e au o te mamalu o koe ki te lalolagi; kua uma te fakataunuku e au o nā gāluega na tuku mai e koe ki a te au ke fai.

Ioane 19:36

Ko te mea tēnei na fai ke taunuku ai te kupu i te tuhituhiga paia e vē mai: “Ka hēai he ivi e fokotahi i tona tino e gagaua.”