Ioane 19:24 - Tokelauan New Testament

²⁴ Kua lea atu tētahi fitafita ki tētahi, “Nahe hahaea te kofu, kae fai he tātou vili pe ko ai te tino ka kave mo ia.” Na tupu te mea tēnei, kae ke taunuku ai te mea e lea mai ai te tuhituhiga paia: “Na tufa e ki lātou oku kofu mo ki lātou ma fai te lātou vili pe ko ai te ia kavea toku kofu tatao.” Ma ko te mea tēnei na fai e nā fitafita.

Ioane 19:24 Referans Kwoze

Ioane 19:28

Kua iloa e Iehu kua uma te fakataunuku e ia o nā mea uma lele; ma kae ke taunuku ai te kupu a te tuhituhiga paia, na lea vē ai, “Ko au e fia inu.”

Gāluega 13:27

Auā e hēki iloa e nā tino e nonofo i Ieluhalema ma o lātou takitaki, ko Iehu ko te Fakaola, ma e hēki mālamalama foki ki lātou i nā kupu a te kau pelofeta e faitau ki tagata i Hāpati takitahi uma. Ka kua kavea te fakahalagia e ki lātou o Iehu, ma mea kua fakataunuku ai nā kupu a te kau pelofeta.

Ioane 10:35

E iloa e ki mātou ko te mea e lea mai ai te tuhituhiga paia e hē mafai ke toe kave keheagia; ma na tākua e te Atua nā tino na kaumaia tana kupu, ni atua.

Mataio 27:35

Kua fakahātaulo e ki lātou ia Iehu, oi fai ai te lātou vili ke iloa ai te mea kofu o Iehu e maua e te tino.

Maleko 15:24

Oi fakahātaulo ai e ki lātou ia Iehu ma fai te lātou vili ke iloa ai te mea kofu o Iehu e maua e te tino, oi tufatufa ai vēnā e ki lātou nā kofu o Iehu.

Luka 23:34

Oi lea vē ake ai ia Iehu, “Te Tamana, fakamāgalo atu ko ki a te ki lātou, auā e hē ki lātou iloa te lātou mea kua fai.” Oi fai ai te lātou vili ke iloa ai te mea kofu o Iehu e maua e te tino.

Ioane 13:18

“Ko au e hē tautala e uiga ki a te koutou uma; E iloa e au nā tino kua kō filifiliagia. Kae e tatau ke taunuku te tuhituhiga paia e lea mai, ‘Ko te tino na kakai fakatahi ki māua i aku meakai, kua fakahagatau mai ki a te au.’