Ioane 19:19 - Tokelauan New Testament

¹⁹ Na fakatonu foki e Pilato ke tuhi he fakaaliga ma tuku ki luga o te hātaulo. Ko te fakaaliga e vēnei, “Iehu te Nahaleta, te Tupu o Tagata Iutaia.”

Ioane 19:19 Referans Kwoze

Mataio 27:37

I luga ake o tona ulu kua ki lātou tūhia ai te mea na mōlia ai e vēnei, “Ko Iehu tēnei, te Tupu o Tagata Iutaia.”

Luka 23:38

I luga ake o ia, na tūhia ai nā kupu iēnei, “Ko te Tupu tēnei o Tagata Iutaia.”

Maleko 15:26

Ko te fakakupuga i te tuhi na tūhia ai nā mōliga o ia, e vēnei, “Ko te Tupu o Tagata Iutaia.”

Ioane 19:14

I te taimi tēnā, kua fakalata lele ki te vaeluaga o te aho e hohoko ki ei te Pāheka. Oi lea atu ai ia Pilato ki nā tino Iutaia, “Ko te tupu tēnei o koutou!”

Gāluega 3:6

Kae kua lea vē atu ia Petelu ki ei, “E hēai haku tupe e fokotahi, kae ka kō fōki atua te mea e ia te au; i te igoa o Iehu Keliho o Nahaleta, e lea atu ai au ki a te koe, tū ki luga oi havali!”

Ioane 19:21

Kua lea atu nā ohitāulaga hili ki a Pilato, “Nahe tuhia vēia ‘Te Tupu o nā Tino Iutaia,’ kae tau lava kua tuhi, ‘Ko te tino tēnei na lea, ko au ko te Tupu o Tagata Iutaia.’ ”

Ioane 19:12

Kua lagona atu e Pilato nā kupu iēnei, oi taumafai ai ki he auala ke tatala ai ia Iehu. Kae kua taukalalaga mai ki ei nā tino Iutaia, “Kāfai e kē fakahaolotoa te tagata tēnā, ko koe la e hē ko he uō e a Kaihala te tupu! Ko te tino e lea ko ia he tupu, ko te tino tēnā e teteke ki a Kaihala.”

Ioane 19:3

ma ōmamai ai kua lea vē atu ki a Iehu, “Ke manuia te Tupu o tagata Iutaia!” Oi olo ai oi kini i o lātou lima.

Ioane 18:33

Kua toe fano ia Pilato ki loto o tona fale ma fakatonu ke kaumai ia Iehu. Oi fehili vē atu ai ki ei, “Ko koe moni ko te Tupu o tagata Iutaia?”

Ioane 1:49

“Te Faiakoga,” kua tali atu ia Natanielu, “ko koe ko te Ataliki o te Atua! Ko koe ko te Tupu o Ihalaelu!”

Gāluega 26:9

“Na pa foki lava au ki te lagona ko au ke teteke mālohi ki te igoa o Iehu te Nahaleta.

Mataio 2:23

ma nofo ai i te kakai e igoa ko Nahaleta. Na taunuku ai te kupu a nā pelofeta: “Ka fakaigoa ia ko he ha-Nahaleta.”

Luka 18:37

Kua tali atu nā tino ki ei, “Ko Iehu te Nahaleta e kui ake i te auala.”