Ioane 18:29 - Tokelauan New Testament

²⁹ Oi fano ai ia Pilato ki a te ki lātou i fafo ma lea vē atu ki ei, “He ā te holi tūlāfono kua mōlia ai e koutou te tino tēnei?”

Ioane 18:29 Referans Kwoze

Mataio 27:23

Kae kua fehili atu ia Pilato, “Aiheā, ko he holitūlāfono ā ta ia kua fai?” Oi kāmata ai taukalalaga leo lahi ki lātou: “Fakahātaulo te tino tēnā!”

Gāluega 25:16

Kae ko au na lea ki ei, ko ki tātou nā tino Loma e hē māhani oi tuku atu he tino kua mōlia i he holitūlāfono ke fakamahino, kae ko hēki fakafehagai ki nā tino na ki lātou faia te mōliga, ma tuku ki ei he avanoa ke tali atu ai ki ona mōliga.

Ioane 18:30

Kua tali mai ki lātou, “Anei ake te tagata nei e hēki holia e ia te tūlāfono, e hēki ki mātou kaumaia ki a te koe.”

Ioane 18:33

Kua toe fano ia Pilato ki loto o tona fale ma fakatonu ke kaumai ia Iehu. Oi fehili vē atu ai ki ei, “Ko koe moni ko te Tupu o tagata Iutaia?”

Gāluega 4:27

Auā e moni lava ko Helota ma Ponitiō Pilato na potopoto fakatahi i te kakai tēnei ma tagata nukukehe vēnā ma tagata o Ihalaelu, ke teteke ki tau Kaukauna paia ko Iehu na kē fakaukuagia ke kavea ma Mehia.