Ioane 17:24 - Tokelauan New Testament

²⁴ “Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Ioane 17:24 Referans Kwoze

Ioane 17:5

Te Tamana, fakailoa ko i te taimi nei e ala i tō fakatahi ma au, toku mamalu, te mamalu nae ia te au fakatahi ma koe, ka ko hēki faia te lalolagi.

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ioane 14:3

Ma kāfai au e fano oi hāuni he mea ke nonofo ai koutou, ko au e toe hau oi kavatu koutou, kae ke i ei ai koutou fakatahi ma au, i te mea e i ei ai au.

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.

2 Kolinito 3:18

Ko ki tātou uma la te kitea ai te huhulu pupula o te Aliki e ala i o tātou fōliga e hē pupunia i he kie ufimata; ma ko te huhulu pupula lava tēnā e fokotahi e hau mai te Aliki, ko ia ko te Agaga, e ia fakaliuagia ki tātou ke vē lava ko ia, i he huhulu pupula e hilihili te uiga kehe.

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

1 Tehalonia 4:17

ma ko ki tātou la iē koi ola i te taimi tēnā, ka hikitia ake fakatahi ma ki lātou i loto o nā ao, ke feiloaki ma te Aliki i te vānimonimo. Oi ka fakatahi ai pea lava ki tātou ma te Aliki.

Luka 12:37

Amutia nā kaukauna e maua mai e to lātou matai, e āla ma hāuni ki tona toe foki mai! E lea atu au ki a te koutou, ka ia ui keheagia tona kofulahi ma fakanonofo ki luga nā kaukauna, oi laulau ai e ia he lātou mea ke kai.

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.

1 Kolinito 13:12

Ko te mea e kitea e ki tātou i te taimi nei e vē he ata nenefu ki loto o he fakaata; kae i he taimi mulimuli oi ki tātou kitea lelei ai i te fakafehagai ma ia. Ko te mea kua iloa e au i te taimi nei e hē kātoatoa; kae ka kātoatoa mulimuli — e kātoatoa e vē ko te kātoatoa o te iloa o te Atua e uiga ki a te au.

Mataio 26:29

E lea atu au ki a te koutou, ka hē toe inu lele au ki te uaina tēnei, heiloga kua pa ki te aho e inu ai au i te uaina fou fakatahi ma koutou, i te Mālō o toku Tamana.”

Mataio 25:34

Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Filipi 1:23

E fetoho lava i toku māfaufau nā mea iēnei e lua. Ko au e fofou keina tukua e au te ola tēnei ke fakatahi ma Keliho, auā e hili atu tēnā;

2 Kolinito 5:8

Ko ki mātou e loto tetele, ma e hili atu to mātou naunau ke tukua o mātou tino fakatetagata, kae fakatahi ma te Aliki i tona fale.

Luka 23:43

Kua vāgana atu ia Iehu ki ei, “Ko au e lea atu moni ki a te koe, ko te aho nei ka fakatahi ai ki tāua i Palataiho.”

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Fakaaliga 21:22

E hēki kitea e au he mālumalu i te kakai, auā ko tona mālumalu ko te Aliki te Atua Hilihilikehe te Mālohi, ma te Punuamāmoe.

Mataio 25:23

Kua lea atu ki ei tona matai, ‘Mālō ni, te kaukauna lelei ma te fakamāoni. Kua fakamāoni koe i te kikilaga o ni mea e hē lahi, ka kō tōfia ai la koe ke pule i nā mea e lahi. Ulu mai loa ki loto nei, ta fiafia fakatahi ai!’

Ioane 6:37

Ko nā tino uma lele e fōki mai e toku Tamana ki a te au, e ōmamai lava ki a te au. E hē kō tetekea lele he tino e hau ki a te au,

Ioane 6:39

Ma ko te finagalo o tē na ia uga maia au, ke nahe kō faia he mea ke māumau ai he ola o he tino o ki lātou uma kua ia fōki maia ki a te au, kae ke kō fakatutūa uma ki lātou ki te ola, i te aho mulimuli.

Ioane 8:58

Kua tali mai ia Iehu, “E takutino atu e au ki a te koutou te meamoni, ka ko hēki fānau mai ia Apelaamo, ka kua i ei Au Ko Au Lava Au.”

Ioane 15:9

Ko au e alofa ki a te koutou e vē ona alofa mai te Tamana ki a te au; koutou la ke tūmau i toku alofa.

Ioane 17:2

Auā na kē tukua ki ei te pule ke pule ai i tagata uma, kae ke ia mafaia ai oi fōki atu te ola fakavavau, ki a te ki lātou uma na kē filifilia ke mulimuli ki a te ia.

Ioane 17:22

Na tuku atu e au ki a te ki lātou te mamalu na kē tuku maia ki a te au, kae ke tahi ai ki lātou, e vē lava ona tahi ia koe ma au:

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.