Ioane 17:21 - Tokelauan New Testament

²¹ Ko au e tatalo ke mafai ki lātou uma ke tahi. Te Tamana, ke tahi ko ki lātou ke vē he tino e tahi, ma ke tahi ki lātou ma ki mātou e vē oi tahi koe ma au ma tahi au ma koe. Ke tahi ki lātou kae ke talitonu ai te lalolagi ko au na uga mai e koe.

Ioane 17:21 Referans Kwoze

1 Kolinito 12:12

Ko te tino o Keliho e lahi ona vāega, e vē foki lava ko te tino o ho hētahi.

Ioane 17:11

Ma i te taimi nei, ko au ka fanatu ki a te koe; ka hē toe i ei au i te lalolagi, kae e i te lalolagi ki lātou. Te Tamana Paia, puipui malu ki a te ki lātou i te mana o tō igoa, te igoa na kē tuku maia ki a te au, kae ke tahi ai ki lātou e vē ona tahi koe ma au.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Ioane 13:35

Kāfai koutou e alofa tētahi ki tētahi, ka iloa ai e tagata uma, ko koutou ni hoko e ōku.”

Gāluega 4:32

Kua gātahitahi ia loto ma māfaufau o te vāega kua talitonu ki a Iehu. E hēai lele he tino o ki lātou na lea ko ana meatōtino e a ia lava, kae na ki lātou fakaaogā fakatahi nā mea uma lele a ki lātou tau tokatahi.

Ioane 17:8

Kua uma te tuku atu e au ki ei o te fekau na tuku mai e koe ki a te au, ma kua ki lātou taliagia; e iloa e ki lātou e hako ko au na hau mai ia te koe, ma talitonu ko koe te na uga maia au.

Ioane 10:38

Kae kāfai e fai e au nā mea iēnei, e ui lava ko koutou e hē talitonu mai ki a te au, kae e tatau lava ke talitonu koutou ki nā gāluega na fai e au, kae ke koutou iloa ai ma te mautinoa, ko te Tamana e ia te au, ma ko au e i te Tamana.”

Ioane 10:30

Ko te Tamana ma au, e tahi ki māua.”

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

1 Kolinito 1:10

I te igoa o to tātou Aliki ko Iehu Keliho, e lea atu ai au ki a te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe i ei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe.

Loma 12:5

E vēnā foki lava ki tātou, e ui e tokalahi ki tātou, kae e tahi te tino i te māfutaga ma Keliho. Ko ki tātou uma ni vāega takitahi e hohoko tētahi ki tētahi i te tino e tahi.

1 Ioane 5:7

E toka tolu ia molimau:

Gāluega 2:46

I aho takitahi uma, e fakapotopoto fakatahi ki lātou i loto o te Mālumalu ma kakai fakatahi fakaholoholo i nā fale o ki lātou, i te agaga fiafia ma te loto maulalo,

Ioane 17:25

Te Tamana āmiotonu, ko koe e hē iloa e te lalolagi, kae e kō iloa koe, ma e iloa e nā tino e mulimuli mai ki a te au, ko au na uga mai e koe.

Ioane 10:16

E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Ioane 5:23

kae ke vīkia ai e tagata uma te Ataliki e vē oi vīkia e ki lātou te Tamana. Ko te tino e hē ia vīkia te Ataliki, e hē ia vīkia foki te Tamana na ia uga maia te Ataliki.

Ioane 3:17

Auā e hēki uga maia e te Atua tona Ataliki ke fakamahino ia tagata o te lalolagi, kae na uga mai ke fakaola, e ala ia te ia.

Ioane 17:18

E uga atu e au ki lātou ki te lalolagi, e vē lava ona uga mai au e koe ki te lalolagi.

Ioane 11:42

E iloa e au e kē lagona mai au i taimi uma. Kae ko au kua lea vēnei atu mo nā tino iēnei i kinei, ke mafai ai ki lātou ke talitonu, ko au na kē uga maia.”

Ioane 17:20

“Ko au e hē tatalo mo ki lātou oioti, kae vēnā foki mo nā tino kua talitonu mai ki a te au, e ala i a lātou takutinoga.

1 Kolinito 6:17

Kae ko ai lava e ia tuku fakatahia tona tino ma te Aliki, ka tahi ki lāua ma te Aliki i te fakateagaga.

1 Ioane 1:3

Ko nā mea kua kikila ma fakalogo ki mātou ki ei, kua fakailoa atu e ki mātou ki a te koutou, kae ke mafai ai ke i ei koutou ma ki mātou i te māfutaga fakatahi ma te Tamana ma tona Ataliki ko Iehu Keliho.

Maleko 3:24

Kāfai he mālō e fevaevaeaki ma tauai miha lava ki lātou, ko te mālō tēnā ka mālepelepe.

Ioane 13:32

Ma kāfai te mamalu o te Atua e fakaalia e ala i te Ataliki o te Tagata, ka fakaalia foki e te Atua te mamalu o te Ataliki o te Tagata e ala ia te ia, ma ka ia faia i te taimi nei lava.