Ioane 17:13 - Tokelauan New Testament

¹³ Kae nei, ko au ka fanatu ki a te koe, ma ko au e tautala i nā mea iēnei i te lalolagi, kae ke fakatumulia ai o lātou loto, i toku fiafia.

Ioane 17:13 Referans Kwoze

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Ioane 15:11

“Kua lea atu au ki a te koutou i te mea tēnei, kae ke ia te koutou ai toku fiafia, ma ke kātoatoa ai te koutou fiafia e vē ko toku fiafia.

Ioane 3:29

Ko te tama fakaipoipo, ko te tino ia e a ia te teine fakaipoipo; ko te uō a te tama fakaipoipo e tū i ona tafa ma fakalogologo ki ei, e fiafia lele kāfai e ia lagona atu te leo o te tama fakaipoipo. Nei la, ko toku fiafia kua kātoatoa.

1 Ioane 1:4

Ko ki mātou e tuhi atu kae ke kātoatoa ai to mātou fiafia.

Ioane 13:3

Kua uma ai te iloa e Iehu ko te pule kātoa kua tuku ake e te Tamana ki a te ia, ma ko ia na hau mai te Atua ma e toe fano foki lava ki te Atua,

2 Ioane 1:12

E lahi lele nā mea e fia lea atu ai au ki a te koutou, kae ko au e hē fofou ke tuhi i he pepa ma he peni; ko au e fia fanatu oi kikila koutou ma ke talanoa fakatahi ai ki tātou, kae ke kātoatoa ai to tātou fiafia.

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Gāluega 13:52

Ko nā tino kua talitonu ki te Atua i Anitioka kua fakatumulia i te fiafia lahi ma, i te Agaga Paia.

Ioane 7:33

Oi lea atu ai ia Iehu, “Ko au ka fakatahi ma koutou mo hina taimi, oi fano ai au ki tē na ia uga maia au.

Ioane 17:11

Ma i te taimi nei, ko au ka fanatu ki a te koe; ka hē toe i ei au i te lalolagi, kae e i te lalolagi ki lātou. Te Tamana Paia, puipui malu ki a te ki lātou i te mana o tō igoa, te igoa na kē tuku maia ki a te au, kae ke tahi ai ki lātou e vē ona tahi koe ma au.