Ioane 16:32 - Tokelauan New Testament

³² E hau te taimi, ma kua pa mai, ka takape ai koutou ma fano lava te tino ki tona kāiga, kae tīaki au tautahi. Kae ko au e hē tautahi, auā ko te Tamana e fakatahi ma au.

Ioane 16:32 Referans Kwoze

Mataio 26:31

Kua vāgana atu ia Iehu ki a te ki lātou, “Ko te pō lava tēnei ka hōhola kehe uma ai koutou kae tīaki au, auā e lea mai te tuhituhiga paia, ‘Ka tāmate e te Atua te leoleomāmoe, ma ko te lafu māmoe ka takape.’

Ioane 8:29

Ma ko tē na ia uga maia au, e fakatahi ma au; e hē ia tukuagia au tautahi, auā e kō faia pea lava nā mea e fiafia ia ki ei.”

Ioane 8:16

Kae kāfai foki e kō fakamahinoa, ko taku fakamahinoga e hako, auā e hē kō faia tautahi; kae e fai e au fakatahi ma tē na ia uga maia au.

Maleko 14:27

Kua vāgana atu ia Iehu ki a te ki lātou, “Ko koutou uma lele ka hōhola kehe kae tīaki au, auā e lea mai te tuhituhiga paia, ‘Ka tāmate e te Atua te leoleomāmoe, ma ko nā māmoe ka takape.’

Mataio 26:56

Kae ko nā mea uma iēnei kua tutupu, kae ke taunuku ai nā mea nā tūhia e te kau pelofeta i loto o nā Tuhituhiga Paia.” Oi tīaki ai ia Iehu e te kau hoko uma, kae fētutuli kehe.

Ioane 20:10

Oi toe olo ai nā hoko ki te mea nae nonofo ai.

Ioane 16:25

“Nae fakaaogā e au nā talafakatuha ke fakailoa atu ai ki a te koutou nā mea iēnei. Kae e hau te taimi ka hē toe kō fakaaogā ai nā talafakatuha, kae ka fakaaogā te gagana faigōfie ke tautala atu ai au ki a te koutou, e uiga ki te Tamana.

Ioane 16:2

Ka tuli kehe koutou mai loto o nā hūnako, e hē gata i tēnā, e pa mai te taimi ka manatu ai nā tino e ki lātou fahiotia koutou, ko he tiute tēnā e o ki lātou e tautua ai ki te Atua.

Ioane 4:23

Kae e hau te taimi, ma kua i kinei i te taimi nei, ka tāpuaki atu ai ki te Tamana ia tagata, i te mālohi o te Agaga o te Atua, ma kavatu ki a te ia te tāpuakiga e moni ma fofou ia ki ei.

Ioane 4:21

Kua lea atu ia Iehu, “Te māfine, e talitonu mai koe, e hau te taimi e hē toe tāpuaki ai ia tagata ki te Tamana i luga o te mauga tēnei, pe i Ieluhalema.

Ioane 12:23

Kua tali mai ia Iehu ki a te ki lātou, “Kua pa mai te itūlā e fakatū ake ai te Ataliki o te Tagata ki tona mamalu.

Ioane 5:28

Koutou nahe tēteki i te mea tēnei! E hau te taimi ka lagona ai e tagata oti uma, te leo o te Ataliki o te Tagata,

Ioane 5:25

E takutino atu e au ki a te koutou te meamoni; e hau te taimi — kua i kinei te taimi tēnā — ka lagona ai e tagata oti te leo o te Ataliki o te Atua, ma ko nā tino e fakalogo ki ei, ka ola ki lātou.

Maleko 14:50

Oi tīaki ai ia Iehu e te kau hoko uma kae fētutuli kehe.

Gāluega 8:1

Ma na fiafia ia Haulo i te tāmatega o Hetefano Ko te aho lava tēnā na kāmata ai oi maua ia tagata o te Ekalehia i Ieluhalema i nā fakahāuāga kino. Ma na takape ai ki lātou ki nā kogāfenua uma o Iutea ma Hāmālia, kae vāganā ai te kau apohitolo.

Ioane 16:31

Kua tali atu ia Iehu ki a te ki lātou, “Kua talitonu la koutou i te taimi nei?

Ioane 19:27

Kua lea atu foki ki tona hoko, “Tēia tō mātua.” Oi kave ai e te hoko te mātua ke nofo i tona fale, kāmata mai i te taimi tēnā.

Gāluega 21:6

Oi fakamāvae ai loa ki mātou ma hohopo ai ki mātou ki luga o te vaka, ka kua toe foki ki lātou ki o lātou kāiga.