Ioane 16:19 - Tokelauan New Testament

¹⁹ Kua iloa e Iehu ko ona hoko e fia fehili ake ki a te ia, oi vāgana atu ai ki ei, “Ko au na lea atu, ‘Kua hē mataloa oi hē toe koutou kitea au, kae ka hē mataloa foki, oi toe koutou kitea au.’ Ko tēnei te mea e fakataufai ai koutou?

Ioane 16:19 Referans Kwoze

Ioane 16:30

Kua ki mātou iloa nei, e kē iloa ia mea uma lele; e hē tau i ei ni fehili e fai atu, auā kua uma te kē iloa o te mea i te māfaufau o te tino ka ko hēki fai atua hana fehili. Ko te mea ia kua talitonu ai ki mātou ko koe na hau mai te Atua.”

Ioane 16:16

Kua lea atu ia Iehu, “Kua hē mataloa oi hē toe koutou kitea au, kae ka hē mataloa foki, oi toe koutou kitea au.”

Ioane 14:19

Toeititi oi hē toe kitea au e te lalolagi, kae ka koutou kitea au; ma ona ko au e ola, ka ola ai foki koutou.

Ioane 13:33

Taku fānau, kua hē mataloa hoku taimi ma koutou. Ka koutou hakilia au; kae ko te mea na lea ai au ki nā takitaki o Iutaia, ka lea atu ai foki au ki a te koutou, ‘E hē koutou mafaia oi olo ki te mea e fano au ki ei.’

Ioane 7:33

Oi lea atu ai ia Iehu, “Ko au ka fakatahi ma koutou mo hina taimi, oi fano ai au ki tē na ia uga maia au.

Fakaaliga 2:23

Ka kō tāmatea foki nā tino e mulimuli ki te fafine, ma ka iloa ai e nā Ekalehia uma, ko au te tino e ia iloa ia manatu ma manakoga o tagata uma lele. Ka kō tauia koutou tau tokatahi uma, e tuha ai ma autou mea nae fai.

Epelu 4:13

E hēai lele he mea e mafai ke mumuni i te Atua; ko nā mea uma lele na gaohia e hula ma e manino lele i te kikila a te Atua. Ma ko ia te tatau ki tātou ke tali atu ki ei, e tuha ai ma a tātou mea uma na fai.

Ioane 21:17

Kua fakatolu oi fehili atu ia Iehu, “Himona, te ataliki o Ioane, e alofa mai koe ki a te au?” Kua lagona e Petelu te fakanoanoa ona kua fakatolu oi fehili ake ia Iehu, “E alofa mai koe ki a te au?” oi lea vē atu ai, “Te Aliki, e iloa e koe nā mea uma; e iloa e koe ko au e alofa atu ki a te koe!” Kua vāgana atu ia Iehu ki ei, “Tauhi aku māmoe.

Mataio 9:4

Kae kua iloa e Iehu nā mea i o lātou māfaufau, oi vāgana atu ai ki ei, “He ā te māfaufau ai koutou ki ni mea kino vēnā?

Mataio 6:8

Koutou nahe fakatakitaki ki ei. Kua uma te iloa e te koutou Tamana nā mea e fofou koutou ki ei ka ko hēki lea atu koutou ki a te ia.

Maleko 9:32

Kae e hēki mālamalama ki lātou i te uiga o te fakakupuga tēnei, ma nae mātataku foki oi fehili e uiga ki ei.

Ioane 6:61

E hēki lea he tino ki a Iehu, ka kua uma te ia iloa o te mea e mūimui ai ki lātou. Oi lea atu ai ki a te ki lātou, “Ko koutou nei ka fakavāivai ona ko te mea tēnei?

Ioane 16:18

He ā te uiga o te, ‘kua hē mataloa’? E hē ki tātou iloa te uiga o tana fakakupuga!”

Ioane 16:23

“Kāfai e pa mai te aho tēnā, ka hē toe gogō mai koutou ki a te au ki he mea. E takutino atu e au ki a te koutou te meamoni: kāfai koutou e gogō atu ki toku Tamana i ho he mea i toku igoa, ka fōki atu e ia ki a te koutou.

Ioane 16:26

Kāfai e pa mai te aho tēnā, ka gogō atu koutou ki a te ia i toku igoa; ko au e hē lea atu ko au ka gogō ki te Tamana, mo koutou,